بيىل جەتىساي اۋدانىندا 79،3 مىڭ گەكتار القاپتىڭ 45،5 مىڭ گەكتارىنا ماقتا، 19،6 مىڭ گەكتارىنا باقشا، 2،9 مىڭ گەكتار جەرگە كوكىنىس، 5 مىڭ گەكتارعا داندىك جۇگەرى جانە 5،3 مىڭ گەكتار جەرگە مالازىقتىق داقىلدارى ەگىلگەن، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇگىندە جينالعان 24،5 مىڭ توننا باقشا ونىمدەرىنىڭ 11،9 مىڭ تونناسىن قاربىز، 12،5 مىڭ تونناسىن قاۋىن قۇراپ وتىر. باقشا داقىلدارىنىڭ ونىمدەرى اۋداننىڭ ىشكى نارىقتارىمەن قاتار شەت ەلدەرگە دە ەكسپورتتالىپ جاتىر.

قىزىلقۇم اۋىلدىق وكرۋگىنىڭ تۇرعىنى شاكەن ىلەس ۇلى دا سوڭعى 10 جىلعا جۋىق ۋاقىتتان بەرى ديقانشىلىقپەن اينالىسىپ كەلەدى. بيىل دا جىلداعى ادەتپەن ەرتە كوكتەمدە قاۋىننىڭ «اەروپورت» سورتىن ەگىپ، ءونىمىن جيناۋعا كىرىسكەن. ەندى سۇرانىسقا سايكەس رەسەي فەدەراسياسىنىڭ ماسكەۋ، سامارا قالالارىنا، بەلارۋس ەلىنە ەكسپورتتاپ جاتىر.

– بيىل قاۋىنىمىز جىلداعىدان ءسال كەشتەۋ ءپىستى. ءقازىر سۇرانىس تا جامان ەمەس. ويداعىداي ءونىم الۋدا اعىن سۋدان قيىنشىلىقتار بولعانىمەن، تاپشىلىق سەزىلمەدى.

ەندى ماڭداي تەرىمىزبەن وندىرگەن ونىمدەرىمىزدى رەسەيگە ەكسپورتتاپ جاتىرمىز. ول جەردە باعا جاقسى ەكەن. ەشقانداي دەلدالسىز ءونىمدى ەگىستىك باسىنان ءوزىمىز كولىكتەرگە تيەپ بەرۋدەمىز، – دەيدى ديقان.

وتكەن جىلى 15،2 مىڭ گەكتار القاپقا باقشا داقىلدارى ەگىلىپ، 417،8 مىڭ توننا ءونىم الىنعان. جەتىساي اۋدانىندا بيىل 19،6 مىڭ گەكتارعا ەگىلگەن باقشا داقىلدارىنان 525 مىڭ توننا ءونىم الۋ جوسپارلانىپ وتىر. ءقازىر قاۋىننان گەكتارىنان ورتا ەسەپپەن 281 سەنتنەردەن، ال، قاربىزدان گەكتارىنا ورتا ەسەپپەن 260 سەنتنەردەن ءونىم الىنۋدا.