Alataý aýdanyn damytýdyń mańyzdy aspektileriniń biri turǵyndardy ortalyq komýnıkasıalarmen qamtamasyz etý máselesi bolyp tabylady. Aǵymdaǵy jyly aýdan ákimdigi bes shaǵyn aýdanda uzyndyǵy 150 km ınjenerlik jelilerdi salýdy bastaýdy josparlap otyr. Merdigerler anyqtaldy. Jumystyń bastalýy mamyr men shildege josparlanǵan.
Budan basqa, jyl sońyna deıin «Samǵaý» jáne «Ójet» sh/a-da 5 káriz-sorǵy stansıasy salynady. Sondaı-aq, mamyr aıynda «14-shi aýmaq» sh/a qurylysy uzaqqa sozylǵan ınjenerlik jelilerdiń máselesi sheshiletin bolady.
Aýdanda jol ınfraqurylymyn damytý jáne qoǵamdyq kólik jumysynyń sapasyn arttyrý ózekti másele bolyp qala beredi. Alataý aýdanynyń barlyq shaǵyn aýdandaryndaǵy 60 kóshede 23 myń sharshy metr jolǵa aǵymdaǵy jóndeý jumystary josparlanǵan. Osy maqsatta aýdanǵa 250 mln teńge bólindi.
Sonymen qatar, mamyr aıynda 12 shaǵyn aýdandaǵy uzyndyǵy 60 shaqyrym 79 kóshedegi joldardy ortasha jóndeý bastalady. Barlyq jol jóndeý jumystary qazan-qarasha aılarynda aıaqtalady.
Jeltoqsan aıynda Saın kóshesin uzartý, Saın jáne Móńke bı kósheleriniń qıylysyndaǵy jolaıryǵy qurylysynyń birinshi kezeńi aıaqtalady, onyń iske qosylýy qalanyń negizgi magıstraldy kóshelerindegi, eń aldymen Rysqulov dańǵyly men Momyshuly kóshelerindegi kólik legin edáýir qysqartady.
Ákimmen ótken burnaǵy kezdesýlerde aýdan turǵyndary qoǵamdyq kóliktiń jumysyna, atap aıtqanda keıbir qoldanystaǵy baǵyttardyń qolaısyzdyǵyna jáne josparly qozǵalys aralyqtarynyń saqtalmaýyna shaǵym aıtqan bolatyn.
Ótken jyly ákimdik qalaǵa satyp alǵan 450 jańa avtobýstyń 92-si Alataý aýdanyna berildi. Bıyl aýdan taǵy 200 avtobýsty alatyn bolady, sonyń nátıjesinde 19 baǵyttaǵy jyljymaly sostav jańartylady.
Budan basqa, jyl sońyna deıin 7 baǵytty jańartý úshin jeke tasymaldaýshylardyń 73 avtobýs satyp alýy qarastyrylǵan.
Aýdanda joldarda qaýipsizdikti arttyrý úshin 193 «Sergek» kesheni jumys isteıdi, onyń 97-si bıylǵy jyly ornatylǵan.
Qadamdyq qoljetimdilik tujyrymdamasy aıasynda turǵyndardy áleýmettik ınfraqurylymnyń barlyq ıgilikterimen qamtamasyz etý máselelerine qalada erekshe mán beriledi.
Alataý aýdanynda shamamen 4600 birlikti quraıtyn oqýshy oryndarynyń tapshylyǵyn azaıtý úshin bıyl 12 600 oqýshyǵa arnalǵan 8 mektep salý josparlanǵan. Mektepter 2024 jyldyń sońyna deıin salynady.
Synyptan tys demalys úshin mamyr aıynda aptasyna 5 myńnan astam bala qatysa alatyn ınovasıalyq shyǵarmashylyq ortalyq salynatyn bolady. Mundaı aýqymdy bilim berý jobasy aýdanda alǵash ret qolǵa alynýda.
Sapaly medısınalyq qyzmet kórsetýdiń qoljetimdiligin qamtamasyz etý úshin «Saıaly» jáne «Qarasý» shaǵyn aýdandarynda josparly qýattylyǵy bir aýysymda 200 adam qabyldaıtyn 2 dárigerlik ambýlatorıanyń qurylysy bastaldy.
Qaýipsizdik jáne abattandyrý máselelerine erekshe kóńil bólinedi. Aýdanda beınemonıtorıng júıeleriniń jelisin keńeıtý aıasynda aǵymdaǵy jyldyń sońyna deıin 750 jańa beınekamera ornatý josparlanýda.
Ótken jyly aýdanda 135 kóshede syrtqy jaryqtandyrýmen qamtamasyz etý jumystary júrgizildi. Bıyl aýdannyń jaryqtandyrylmaǵan 123 kóshesi boıynsha JSQ ázirleý josparlanýda. Osylaısha, 2025 jyly aýdanda kóshe jaryǵymen qamtý deńgeıi 100%-dy quraıdy.
Aýdandaǵy únemi sý basyp qalatyn oryndardyń máselesi sheshildi. Qolda bar 18 ýchaskeniń 16-syna qajetti jumystar júrgizildi, qalǵan 2 ýchaske bir aı ishinde joıylady.
«Halyq qatysatyn búdjet» baǵdarlamasy boıynsha aǵymdaǵy jyly 37 jobany iske asyrý josparlanýda. Qyrkúıekke deıin oıyn, fýtbol, basketbol jáne voleıbol alańdary, jaıaý júrginshiler aımaqtary, skverler salynady. Osy maqsattarǵa aýdanǵa qosymsha 875 mln teńge bólindi.
Budan basqa, Qarasý kólin mehanıkalyq tazartý jumystary bastaldy. Almaty ákimi kóldiń alǵash ret tazalanyp jatqanyn atap ótti. Tazalaýdy qyrkúıek aıynda aıaqtaý josparlanýda.
