DalaInside-qa jetken málimet boıynsha «Dıkıı Arman» Kárim Másimovten úlgi alyp, amerıkalyq lobbısterdiń kómegine júgingen.
Mett Laýer men Greıs Fenstermeıkerdiń esim-soıy siz ben bizge beıtanys bolǵanmen, lobbı áleminde bulardyń atynan at úrkedi.
«Mett men Greıs» tandemi jetekshilik etetin Qorvis PR kompanıasy aldaǵy aıdan bastap Arekeńniń jaǵymdy obrazyn qalyptastyrýǵa qaýyrt kirisedi.
Armannyń advokaty Evgenıı Iavorskıı bularmen birigip jumys isteýge ýaǵdalasyp, 15 mamyrda qajetti qujattarǵa qol qoıǵan.
Vashıngtondyq lobbısterdiń negizgi mısıasyn ilgeride aıttyq. Qoǵammen baılanystyń qyr-syryn jete meńgergen bular: «Arman ult janashyry. Qańtar kezinde halyqty sabyrǵa shaqyrýǵa tyrysty…» degen tezısti qoǵamnyń qulaǵyna sińiredi, sot aldy konsýltasıalar beredi, jaza merzimin jeńildetýdiń jolyn izdestiredi.
«Dıkıı Armanǵa» taǵylǵan aıypty aıtyp jatpaı-aq qoıalyq. Toqaevty tóńkerýge tyrysqany byltyrǵy jyldan beri baspasóz betinen túspeı keledi.
Lobbıster – Mett Laýer men Greıs Fenstermeıkerdiń gonoraryn Jumageldıev otbasy óz qaltasynan tóleıdi. Bul ekeýi de osyǵan deıin sanksıaǵa ushyraǵan reseılik Vneshekonombankke aqyl-keńes bergen. Bylaısha aıtqanda, Qazaqstannyń saıası keńistigi atalǵan jupqa tańsyq emes.
DalaInside myna suraqqa jaýap berýge daǵdaryp otyr: Eski Qazaqstan ókilderiniń AQSH-tan arasha suraýynda ne syr bar? Osyǵan deıin 18 jylǵa kesilgen UQK-nyń eks-tóraǵasy Kárim Másimov te vashıngtondyq lobbısterdiń aıaǵyna jyǵylǵan edi.
«Murtty» amerıkalyq atyshýly lobbıst Devıd Merkeldi attaı qalap aldyrǵan. Merkel budan bólek karimmassimov.com saıtynyń admıni bolǵan edi.
➡️ Aıtpaqshy, Qytaı orystyń gazynan bas tartypty. Al Mıshýstınniń Qytaıǵa jasaǵan sapary fıaskoǵa ushyraǵan. Tolyqyraq siltemede: https://t.me/dalainside/1333
