DalaInside-قا جەتكەن مەلٸمەت بويىنشا «ديكيي ارمان» كەرٸم مەسٸموۆتەن ٷلگٸ الىپ, امەريكالىق لوببيستەردٸڭ كٶمەگٸنە جٷگٸنگەن.
مەتت لاۋەر مەن گرەيس فەنستەرمەيكەردٸڭ ەسٸم-سويى سٸز بەن بٸزگە بەيتانىس بولعانمەن, لوببي ەلەمٸندە بۇلاردىڭ اتىنان ات ٷركەدٸ.
«مەتت مەن گرەيس» تاندەمٸ جەتەكشٸلٸك ەتەتٸن Qorvis PR كومپانيياسى الداعى ايدان باستاپ ارەكەڭنٸڭ جاعىمدى وبرازىن قالىپتاستىرۋعا قاۋىرت كٸرٸسەدٸ.
ارماننىڭ ادۆوكاتى ەۆگەنيي ياۆورسكيي بۇلارمەن بٸرٸگٸپ جۇمىس ٸستەۋگە ۋاعدالاسىپ, 15 مامىردا قاجەتتٸ قۇجاتتارعا قول قويعان.
ۆاشينگتوندىق لوببيستەردٸڭ نەگٸزگٸ ميسسيياسىن ٸلگەرٸدە ايتتىق. قوعاممەن بايلانىستىڭ قىر-سىرىن جەتە مەڭگەرگەن بۇلار: «ارمان ۇلت جاناشىرى. قاڭتار كەزٸندە حالىقتى سابىرعا شاقىرۋعا تىرىستى…» دەگەن تەزيستٸ قوعامنىڭ قۇلاعىنا سٸڭٸرەدٸ, سوت الدى كونسۋلتاتسييالار بەرەدٸ, جازا مەرزٸمٸن جەڭٸلدەتۋدٸڭ جولىن ٸزدەستٸرەدٸ.
«ديكيي ارمانعا» تاعىلعان ايىپتى ايتىپ جاتپاي-اق قويالىق. توقاەۆتى تٶڭكەرۋگە تىرىسقانى بىلتىرعى جىلدان بەرٸ باسپاسٶز بەتٸنەن تٷسپەي كەلەدٸ.
لوببيستەر – مەتت لاۋەر مەن گرەيس فەنستەرمەيكەردٸڭ گونورارىن جۇماگەلديەۆ وتباسى ٶز قالتاسىنان تٶلەيدٸ. بۇل ەكەۋٸ دە وسىعان دەيٸن سانكتسيياعا ۇشىراعان رەسەيلٸك ۆنەشەكونومبانككە اقىل-كەڭەس بەرگەن. بىلايشا ايتقاندا, قازاقستاننىڭ ساياسي كەڭٸستٸگٸ اتالعان جۇپقا تاڭسىق ەمەس.
DalaInside مىنا سۇراققا جاۋاپ بەرۋگە داعدارىپ وتىر: ەسكٸ قازاقستان ٶكٸلدەرٸنٸڭ اقش-تان اراشا سۇراۋىندا نە سىر بار? وسىعان دەيٸن 18 جىلعا كەسٸلگەن ۇقك-نىڭ ەكس-تٶراعاسى كەرٸم مەسٸموۆ تە ۆاشينگتوندىق لوببيستەردٸڭ اياعىنا جىعىلعان ەدٸ.
«مۇرتتى» امەريكالىق اتىشۋلى لوببيست دەۆيد مەركەلدٸ اتتاي قالاپ الدىرعان. مەركەل بۇدان بٶلەك karimmassimov.com سايتىنىڭ ادمينٸ بولعان ەدٸ.
➡️ ايتپاقشى, قىتاي ورىستىڭ گازىنان باس تارتىپتى. ال ميشۋستيننٸڭ قىتايعا جاساعان ساپارى فياسكوعا ۇشىراعان. تولىقىراق سٸلتەمەدە: https://t.me/dalainside/1333
