Jinalysta aýdan boiynsha astyq orý naýqanynyń barysy, qysqy mal azyǵyna jem shóp daiyndaý jumystary jáne kúzgi dándi daqyldardy sebý naýqanyna daiyndyq máseleri talqylandy.
Aýyl sharýashylyǵy - aýdan ekonomikasynyń basty salasy bolyp sanalady. Byltyrǵy jyly aýyl eńbekkerleri 43,7 mlrd. teńgeniń ónimi óndirildi.
Aýdan oblystaǵy arpa, bidai óndiretin iri óńirlerdiń biri. Onyń aiǵaǵy jalpy 132 myń gektar egistik jerdiń 96,6 myń gektaryna nemese 73% masaqty dándi daqyldar sebilip, ónim kólemi oblysta óndiriletin ónimniń 23% quraidy.
Gektar ónimdiligine áser etetin birqatar faktorlar bar. Onyń biri klimattyq jaǵdai. Keiingi 2-3 jylda jaýyn-shashynnyń normadan kem túsýi gektar ónimdiligine keri áserin tigizýde.
Sharýa qojalyqtarynyń basym bóligi memleket tarapynan kórsetilip otyrǵan qoldaýlardy tolyq paidalanbai, óndiriske intensivti tehnologiiany engizýden kenjelep keledi.
Atap aitsaq, jerdiń qunarlyǵyn arttyrý, ylǵalylyn saqtaý, aramshóptermen kúresý boiynsha memlekettik qoldaýlar qarastyrylǵan.
Biylǵy qýańshylyq jyly qysqy mal azyǵyn jetkilikti kólemde daiyndaýǵa óz kedergisin tigizip otyr. Bul jaǵdai jalǵyz bizdiń oblysta ǵana emes respýblikanyń barlyq ónirlerinde baiqalady.
Osyǵan bailanysty Aýyl sharýashylyǵy ministrligi keshendi jospar daiyndap, jergilikti atqarýshy organdarǵa úlken talaptar qoidy.
Aýdanymyzda 56,4 myń bas múiizdi iri qara, 249,5 myń bas qoi men eshki, 18,5 myń bas jylqy bar. Osy mal basyn qystan aman alyp shyǵý úshin qajetti kólemde mal azyǵyn daiyndaýymyz qajet.
Aýdanda 2168 sharýa qojalyǵy, 4 óndiristik kooperativi, 27 seriktestik tirkelgen.
