Shókeev ár toihananyń aldyna bir politseiden qoiyp, toidy toqtatýdy qolǵa aldy
– Ár toihananyń aldyna bir-bir politsiia qyzmetkerin qoiý kerek. Bul da aýrýdyń taralýyna jol bermeýdiń tiimdi tásili bolatyn shyǵar. Kúrestiń osy jolyn da kórý kerek. Koronavirýstyń taralýyna jol bermeý úshin jan-jaqtan kúres kúsheitilsin, – dedi oblys ákimi.
Karantin rejimi talaptarynyń oryndalýyn baqylaý boiynsha mobildi toptardyń monitoring jumystary kúsheitildi. Nátijesinde sońǵy aptada 115 tyiym salynǵan otbasylyq, merekelik is-sharalar anyqtalǵan.
«COVID-19» indetin juqtyrǵandar sany 10 adamǵa jýyqtady. Sońǵy aptada tirkelgen myńǵa jýyq jaǵdaidyń kópshiligin belsendi jastaǵylar (20-49) qurady. Pandemiia bastalǵaly koronavirýs juqtyrǵandardyń 30%-n astamy qarym-qatynasta bolǵandar, 60% jýyǵy JRVI/pnevmoniia diagnozymen jáne statsionarlarǵa josparly/shuǵyl jatqyzylǵandar, memlekettik shekaradan ótkender jáne iri kásiporyn jumysshylary, vahtashylar quraidy.
Basqosýda belgili bolǵandai, Túrkistan óńiri kúndelikti tirkelip otyrǵan naýqastar sany boiynsha respýblikada tómen kórsetkishte. Al koronavirýsqa qarsy vaktsinatsiia qarqyny joǵary deńgeide. Búgingi tanda, barlyq 141 egý pýnktterinde koronavirýstyq infektsiiaǵa qarsy vaktsinatsiia júrgizilýde. 109 dana termokonteinermen qamtamasyz etilgen. 80 kóshpeli egý brigadalary jumys isteýde.
Óńirge vaktsinanyń 610 myńǵa jýyq dozasy jetkizilgen. I-komponentpen 583 myńdai adam nemese 95%, II-komponentpen – 404 myńǵa jýyq adam nemese 77% egilgen. Jyl basynan beri oblys boiynsha jasaqtalǵan 127 mobildi toptarmen 190 myńnan astam nysan aralanǵan. 3,5 myńǵa jýyq hattama toltyrylyp, aiyppul salynǵan. Qajet bolǵan jaǵdaida óńirde infektsiialyq tósek-oryn sanyn 6 myńǵa deiin jetkizýge múmkindik bar.
