– ءار تويحانانىڭ الدىنا ءبىر-بىر پوليسيا قىزمەتكەرىن قويۋ كەرەك. بۇل دا اۋرۋدىڭ تارالۋىنا جول بەرمەۋدىڭ ءتيىمدى ءتاسىلى بولاتىن شىعار. كۇرەستىڭ وسى جولىن دا كورۋ كەرەك. كوروناۆيرۋستىڭ تارالۋىنا جول بەرمەۋ ءۇشىن جان-جاقتان كۇرەس كۇشەيتىلسىن، – دەدى وبلىس اكىمى.
كارانتين رەجيمى تالاپتارىنىڭ ورىندالۋىن باقىلاۋ بويىنشا ءموبيلدى توپتاردىڭ مونيتورينگ جۇمىستارى كۇشەيتىلدى. ناتيجەسىندە سوڭعى اپتادا 115 تىيىم سالىنعان وتباسىلىق، مەرەكەلىك ءىس-شارالار انىقتالعان.
«COVID-19» ىندەتىن جۇقتىرعاندار سانى 10 ادامعا جۋىقتادى. سوڭعى اپتادا تىركەلگەن مىڭعا جۋىق جاعدايدىڭ كوپشىلىگىن بەلسەندى جاستاعىلار (20-49) قۇرادى. پاندەميا باستالعالى كوروناۆيرۋس جۇقتىرعانداردىڭ 30%-ن استامى قارىم-قاتىناستا بولعاندار، 60% جۋىعى جرۆي/پنيەۆمونيا دياگنوزىمەن جانە ستاسيونارلارعا جوسپارلى/شۇعىل جاتقىزىلعاندار، مەملەكەتتىك شەكارادان وتكەندەر جانە ءىرى كاسىپورىن جۇمىسشىلارى، ۆاحتاشىلار قۇرايدى.
باسقوسۋدا بەلگىلى بولعانداي، تۇركىستان ءوڭىرى كۇندەلىكتى تىركەلىپ وتىرعان ناۋقاستار سانى بويىنشا رەسپۋبليكادا تومەن كورسەتكىشتە. ال كوروناۆيرۋسقا قارسى ۆاكسيناسيا قارقىنى جوعارى دەڭگەيدە. بۇگىنگى تاندا، بارلىق 141 ەگۋ پۋنكتتەرىندە كوروناۆيرۋستىق ينفەكسياعا قارسى ۆاكسيناسيا جۇرگىزىلۋدە. 109 دانا تەرموكونتەينەرمەن قامتاماسىز ەتىلگەن. 80 كوشپەلى ەگۋ بريگادالارى جۇمىس ىستەۋدە.
وڭىرگە ۆاكسينانىڭ 610 مىڭعا جۋىق دوزاسى جەتكىزىلگەن. ى-كومپونەنتپەن 583 مىڭداي ادام نەمەسە 95%، ىى-كومپونەنتپەن – 404 مىڭعا جۋىق ادام نەمەسە 77% ەگىلگەن. جىل باسىنان بەرى وبلىس بويىنشا جاساقتالعان 127 ءموبيلدى توپتارمەن 190 مىڭنان استام نىسان ارالانعان. 3،5 مىڭعا جۋىق حاتتاما تولتىرىلىپ، ايىپپۇل سالىنعان. قاجەت بولعان جاعدايدا وڭىردە ينفەكسيالىق توسەك-ورىن سانىن 6 مىڭعا دەيىن جەتكىزۋگە مۇمكىندىك بار.
