Jetisýdyń sharýalary Almatyny azyq-túlikpen qamtidy
Almaty qalasynyń kásipkerlik jáne investitsiialar basqarmasy, «Almaty» ÁKK» AQ, «Jetisý» ÁKK «RIR» AQ, «Magnum Cash&Carry», «Small» saýda jelileriniń ókilderi quramyndaǵy delegatsiia Taldyqorǵan qalasy men Balqash aýdanynyń «Jetisý Majiko» agrokesheni» JShS, «Dinara Ranch» JShS, «Agrofirma Birlik» JShS, «Tamshy-bulaq» JShS kásiporyndary men iri sharýa qojalyqtaryna bardy, onda áleýmettik mańyzy bar azyq-túlik taýarlaryn belgilengen baǵamen jetkizý týraly kelisimderge qol jetkizildi. Bul sharalar Memleket basshysynyń áleýmettik mańyzy bar azyq-túlik taýarlarynyń baǵasyn turaqtandyrý jónindegi tapsyrmasyn iske asyrý bolyp tabylady. Kezdesý barysynda Almaty oblysynyń taýar óndirýshilerine memlekettik qoldaý tetikteri, atap aitqanda, óndiriletin ónimniń ózindik qunyn tómendetýge jáne halyq úshin taýarlardyń qoljetimdiligin arttyrýǵa tiis ainalym qarajatyn tolyqtyrýǵa arnalǵan jeńildikti nesieler usynyldy.
– Almaty qalasynyń ákimi Baqytjan Saǵyntaevtyń tapsyrmasy boiynsha megapolistiń azyq-túlik qaýipsizdigin qamtamasyz etý jumystary belsendi túrde jalǵasýda. Bul erekshe baqylaýda turǵan strategiialyq mańyzdy másele. Maýsym aiynda biz kókónis, qant, sút jáne sút ónimderin, qus etin, jumyrtqa, makaron ónimderin tikelei jetkizý boiynsha kelisimder jasastyq. Búgin biz siyr etin, mai men kúrishti tikelei jetkizý týraly kelisimge keldik. Qabyldanǵan sharalardyń arqasynda shilde aiynyń basynan bastap tutyný baǵalary indeksiniń 0,7% - ǵa tómendeýi baiqaldy, bul respýblika boiynsha Almaty qalasyn 9 tarmaqqa, 10-nan 19-shy orynǵa tómendetýge múmkindik berdi, – dep habarlady Almaty qalasy ákiminiń orynbasary Maqsat Qiqymov.
Áleýmettik mańyzy bar azyq-túlik ónimderiniń baǵasyn turaqtandyrý úshin Almatynyń 7 negizgi azyq-túlik bazarlarynda áleýmettik dúkender (Kók bazar, Jańa Aqbulaq (kóterme saýda), Sary-Arqa, Tastaq, Taýsamaly, Almaty-1, Túrksib jármeńkesi) jumys isteidi, onda ortasha naryqtyq baǵadan tómen baǵamen 10 túrli ÁMAT (kartop, sábiz, piiaz, qyryqqabat, qant, qaraqumyq, kúnbaǵys maiy, kúrish, rojki, un) satylady. Aldaǵy maýsymaralyq kezeńge (2021 jylǵy qyrkúiekten 2022 jylǵy sáýirge deiin) Almaty ákimdigi 22 myń tonna kókónisti «shuǵyl» túrde satyp alý shartyn jasady.
