الماتى قالاسىنىڭ كاسىپكەرلىك جانە ينۆەستيسيالار باسقارماسى، «الماتى» اكك» اق، «جەتىسۋ» اكك «رير» اق، «Magnum Cash&Carry»، «Small» ساۋدا جەلىلەرىنىڭ وكىلدەرى قۇرامىنداعى دەلەگاسيا تالدىقورعان قالاسى مەن بالقاش اۋدانىنىڭ «جەتىسۋ ماجيكو» اگروكەشەنى» ج ش س، «دينارا Ranch» ج ش س، «اگروفيرما بىرلىك» ج ش س، «تامشى-بۇلاق» ج ش س كاسىپورىندارى مەن ءىرى شارۋا قوجالىقتارىنا باردى، وندا الەۋمەتتىك ماڭىزى بار ازىق-تۇلىك تاۋارلارىن بەلگىلەنگەن باعامەن جەتكىزۋ تۋرالى كەلىسىمدەرگە قول جەتكىزىلدى. بۇل شارالار مەملەكەت باسشىسىنىڭ الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جونىندەگى تاپسىرماسىن ىسكە اسىرۋ بولىپ تابىلادى. كەزدەسۋ بارىسىندا الماتى وبلىسىنىڭ تاۋار وندىرۋشىلەرىنە مەملەكەتتىك قولداۋ تەتىكتەرى، اتاپ ايتقاندا، وندىرىلەتىن ءونىمنىڭ وزىندىك قۇنىن تومەندەتۋگە جانە حالىق ءۇشىن تاۋارلاردىڭ قولجەتىمدىلىگىن ارتتىرۋعا ءتيىس اينالىم قاراجاتىن تولىقتىرۋعا ارنالعان جەڭىلدىكتى نەسيەلەر ۇسىنىلدى.
– الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا مەگاپوليستىڭ ازىق-تۇلىك قاۋىپسىزدىگىن قامتاماسىز ەتۋ جۇمىستارى بەلسەندى تۇردە جالعاسۋدا. بۇل ەرەكشە باقىلاۋدا تۇرعان ستراتەگيالىق ماڭىزدى ماسەلە. ماۋسىم ايىندا ءبىز كوكونىس، قانت، ءسۇت جانە ءسۇت ونىمدەرىن، قۇس ەتىن، جۇمىرتقا، ماكارون ونىمدەرىن تىكەلەي جەتكىزۋ بويىنشا كەلىسىمدەر جاساستىق. بۇگىن ءبىز سيىر ەتىن، ماي مەن كۇرىشتى تىكەلەي جەتكىزۋ تۋرالى كەلىسىمگە كەلدىك. قابىلدانعان شارالاردىڭ ارقاسىندا شىلدە ايىنىڭ باسىنان باستاپ تۇتىنۋ باعالارى يندەكسىنىڭ 0،7% - عا تومەندەۋى بايقالدى، بۇل رەسپۋبليكا بويىنشا الماتى قالاسىن 9 تارماققا، 10-نان 19-شى ورىنعا تومەندەتۋگە مۇمكىندىك بەردى، – دەپ حابارلادى الماتى قالاسى اكىمىنىڭ ورىنباسارى ماقسات قيقىموۆ.
الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ ءۇشىن الماتىنىڭ 7 نەگىزگى ازىق-تۇلىك بازارلارىندا الەۋمەتتىك دۇكەندەر (كوك بازار، جاڭا اقبۇلاق (كوتەرمە ساۋدا)، سارى-ارقا، تاستاق، تاۋسامالى، الماتى-1، تۇركسىب جارمەڭكەسى) جۇمىس ىستەيدى، وندا ورتاشا نارىقتىق باعادان تومەن باعامەن 10 ءتۇرلى ءامات (كارتوپ، ءسابىز، پياز، قىرىققابات، قانت، قاراقۇمىق، كۇنباعىس مايى، كۇرىش، روجكي، ۇن) ساتىلادى. الداعى ماۋسىمارالىق كەزەڭگە (2021 جىلعى قىركۇيەكتەن 2022 جىلعى ساۋىرگە دەيىن) الماتى اكىمدىگى 22 مىڭ توننا كوكونىستى «شۇعىل» تۇردە ساتىپ الۋ شارتىن جاسادى.
