Tekseris qorytyndysy boiynsha, ushaqtardyń qozǵaltqyshynan mai aqqany, áinekterdiń qatparlanýy, konstrýktsiiany qorǵaý úshin skotch qoldanylǵany jáne shinalardyń tozǵany anyqtalǵan.
– Ushaqtyń aldyńǵy jaǵy zaqymdanǵan. Másele onyń artynda radardyń turǵanynda. Áýe kemesiniń bortynda ornatylǵan radardyń durys jumys isteýi úshin jaǵdaidyń jasalýy óte mańyzdy, – dep túsindirdi ol. – Eki qozǵaltqyshta da identifikatsiialyq taqtaishalar joq. Bul óte mańyzdy eskertý. Olar mindetti túrde bolýy kerek. Bek Air ushaqtarynyń 50 paiyzynda eki qozǵaltqyshta da identifikatsiialyq taqtaishalar bolmaǵan. Bul óte qaýipti belgi, – dedi Orledi.
Sondai-aq, fiýzeliajda da maidyń izderi bar. «Barlyq ushaqqa metall skotch jabystyrylǵan. Áýe kemesinde skotch qoldanýǵa bolady, biraq bul arnaiy skotch bolýy tiis jáne ony paidalaný deregi jazbasha bekitilýi tiis. Ol boiynsha eshqandai qujat tabylǵan joq» dep atap ótti Orledi.
Mamannyń aitýynsha, Bek Air ushaqtarynyń júk salatyn jerindegi panelderde órtke qarsy taspalary joq nemese nashar jaǵdaida. Sondai-aq, shinalar tozǵanyn anyqtapty. Onyń aitýynsha, aviakompaniianyń barlyq borttarynda júk bóliginiń eden panelderi tesik bolǵan.
