Oblys basshysy aldymen Uzynaǵash aýylynda ótken jyldyń qańtarynda qoldanysqa berilgen 100 oryndyq perzenthana men bir aýysymda 100 adam qabyldai alatyn áielder konsýltatsiiasyna bardy.
Uzynaǵash aýdandyq aýrýhanasynyń direktory Damir Suraýjanovtyń aitýynsha, munda 10 aida 4800 náreste ómirge kelgen. Jańa perzenthanada ana men balaǵa qajetti barlyq jaǵdai jasalyp otyr. Áleýmettik mańyzy zor nysannyń jumysymen tanysqan Qanat Bozymbaev ana men bala ólimin azaitý maqsatynda aldyn alý sharalaryna kóp kóńil bólý kerektigin aitty.
– Bolashaq analarmen júieli jumys júrgizip, aýyr jaǵdailardyń aldyn alýǵa nazar aýdarý kerek. Júkti áielderdi esepke alǵannan keiin dárigerler aýlalardy aralap, olarǵa ózderi baryp kórip turýy tiis. Júkti áielderdi turaqty baqylaýǵa alyp, qursaqtaǵy sábiden patologiia anyqtalatyn bolsa, áiel birden aýrýhanaǵa jatqyzylyp, em-dom ýaqytyly jasalýy kerek. Naqty is-áreket algoritmi daiyndalsyn. Ákimdik óz tarapynan meditsina mamandarynyń irkilissiz jumys isteýine jaǵdai jasaýy kerek. Men muny barlyq aýdan, qalalardan talap etetin bolamyn. Mundai tájiribe burynnan bar, ol ana men bala ólimin azaitýǵa múmkindik beredi, – dedi Qanat Bozymbaev.
Oblys basshysy meditsina mekemesindegi kadr jetispeýshiligin sheshý, nysannyń materialdyq-tehnikalyq qamtamasyz etilýi, vaktsina egý qarqyny, diagnostika jumysyn uiymdastyrý jaily da surap bildi. Máselen, jyljymaly meditsinalyq keshen jumysynyń arqasynda aýdandaǵy 59 eldi mekenniń 72200 turǵyny skriningten ótken. Bul jumystarǵa oń baǵasyn bergen Qanat Aldabergenuly budan ári qurylys alańdaryna bardy.
1500 oryndyq mekteptiń qurylysy bekitilgen kestege sáikes júrip jatyr. Mektep ǵimaratyn «BI Global» JShS salýda. Búgingi kúni ǵimarat qańqasynyń 30% turǵyzylyp, ishki jelileriniń 50% júrgizilgen. Qanat Bozymbaev ǵimarat shatyrynyń jobadaǵy nusqasy soltústik óńirdiń klimatyna kóbirek keletin bolǵandyqtan, ony aýystyryp, jobaǵa ózgertý engizý kerektigin eskertti.
Halyqty qoljetimdi baspanamen qamtý máselesi de oblys basshysynyń nazarynan tys qalǵan joq. Jumys sapary barysynda ol 60 páterlik bes qabatty úsh jalgerlik úidiń qurylysytarynyń barysymen tanysty.
Óńirde eksportqa baǵyttalǵan mańyzdy nysandardyń biri - iri qara men usaq mal etin óńdeitin «Empire Food» JShS. Bul kásiporyn «Halal» tehnologiiasymen jylyna 8 tonnaǵa deiin et ónimderin shyǵarady. Bul týraly zaýyt direktory Arman Djavida aityp berdi.
Zaýyttyń jumys protsesiniń qalai uiymdastyrylatynymen, mundaǵy et ónimderiniń túrlerimen tanysqan oblys basshysy aýdan ákimdigine osy kásiporynǵa tiisti kómek kórsetýdi tapsyrdy.
Budan ári Qanat Aldabergenuly «Teksan Qazaqstan Invest» JShS-ǵa atbasyn tiredi. Bul nysan – elektr qurylǵylaryn óndiretin irgeli kásiporyndar sanatynda. Munda úige, keńsege, óndiristik nysandarǵa, kósheni jaryqtandyrýǵa jáne basqa da maqsattarǵa arnalǵan jaryq shamdarynyń 300-den astam túri shyǵarylady. Zaýyt direktory Ender Dogan óz sózinde qazir ujym aǵylshyndardyń tapsyrysyn daiyndaý ústinde ekenin aitty.
Kásiporyndaǵy ónim túrlerimen tanysyp, tseh jumystaryna kýá bolǵan Qanat Bozymbaev áleýmettik nysandarda elektrmen qamtýdy jobalaý kezinde «Teksan Qazaqstan Investtiń» ónimderi eskerilýi kerek ekenin eskertti.
- Oblysta mektepter, aýrýhanalar, turǵyn úiler kóptep salynyp jatyr. Sapaly elektr tehnikalyq qurylǵylar, kabeldi-naýalyq ónimder osyndai ár nysanǵa kerek. Al onyń bári osy kásiporynda shyǵarylyp jatyr, assortimenti mol. Bul tapsyrmamdy jumys saparynyń hattamasyna engizińizder, - dedi Qanat Bozymbaev.
Budan keiin oblys ákimi aýdan aktivimen kezdesti.
– Aldymyzdaǵy turǵan mindet – Memleket Basshysy Qasym-Jomart Kemeluly Toqaevtyń tapsyrmalaryn, memlekettik baǵdarlamalardy sapaly iske asyrý. Bul rette ony oryndaýǵa aýdanda barlyq múmkindik bar. Biz eldiń ekonomikalyq qýatyn arttyrý men ál-aýqatyn jaqsartý baǵytynda maqsatqa jumylyp jumys isteýimiz kerek, – dedi Qanat Bozymbaev.
Odan ári sóz aýdan ákimi Nurlan Ertasqa berilip, ol óńirdegi atqarylǵan ister men josparlary týraly baiandady.
Baiandamany muqiiat tyńdaǵan Qanat Bozymbaev aýdan basshylaryna Qarǵaly, Uzynaǵash, Myńbaev, Eńbekshiaral aýyldaryndaǵy aýyz sý máselesin sheshý, eldi mekender joldarynyń sapasyn retteý, aýyl sharýashylyǵy tehnikalaryn jańartý, fermerler arasynda memlekettik qoldaý týraly túsindirý sharalaryn júrgizý máselelerine qatysty birqatar saýaldar qoidy.
Jiyndy qorytyndylaǵan oblys ákimi Qanat Bozymbaev tapsyrmalar júktep, aýdan basshylyǵynyń aldyna jańa mindetter qoidy. Atap aitqanda, agrosektorǵa investitsiia tartý jumysyn jandandyrý, turaqty jumys oryndaryn ashý, óńdeý óndiristerin ashýǵa den qoiý, shaǵyn jáne orta biznesti damytý maqsatynda jańa investitsiialyq jobalar usyný tapsyryldy. Sol siiaqty qurylys jumystarynyń kólemin arttyrý, ózin-ózi jumyspen qamtyǵan jáne jumyssyz azamattardy jumyspen qamtýdyń belsendi sharalaryna tartý, koronavirýs infektsiiasynyń taralýyna jol bermeý, aldyn alý, turǵyndar arasynda vaktsinatsiia alýdyń mańyzdylyǵyn túsindirý jumystaryn jalǵastyrý qajet. Jylytý maýsymynyń úzdiksiz ótýin qamtamasyz etý, sonyń ishinde gazdandyrý, kómirmen jetkilikti kólemde qamtý máselesi de aityldy. Áleýmettik máni bar azyq-túlik baǵasynyń kóterilýine jol bermeý qatań tapsyryldy.
