Sońǵy kezderi jeke paraqshama "arab" akkaýnttary dostyq kóptep jiberetin boldy. Basynda mán bermegen edim... Keshe paraqshamnyń "Hat" bólimine belgisiz bireýdiń arab álipbıimen bir emes, toǵyz ret jazǵanyn baıqadym.
Sodan onyń kim ekenin bilmek bolyp qarap edim jas jigit eken. Shyny kerek, hatqa nazar aýdarmas em, álgi jigittiń sýretinde kók baıraǵymyz kózime ottaı basyldy. Jalma jan hattyń mátinin kóshirip, Gýgldiń aýdarmasynasyna salsam. Hat pýshtýn tilinde jazylǵan eken. Hatta «Aǵa, biz Aýǵanstannyń Qundyzynda turatyn 9 qazaqpyz. Bizdi Qazaqstanǵa alyp ketińizdershi» dep ótinish aaıtypty.
Qandasymyz meni qolynda bıligi, múmkindigi bar adam dep oılap, úmittense kerek.. Qaıdan bilsin, meniń qolymda ondaı bılik joq ekenin. Átteń, qoldan keler qaıran joq. Jat elde, jat jerde jat eldiń ambısıalary úshin qurban bolǵan qazaǵym-aı...
Búginge elimizdiń soltústiginde kóptegen aýyldar bosap qalǵan. Sol aýdan-aýyldarǵa Iran, Irak, Aýǵanstan, Pákistandaǵy qazaqtardy kóshirip ákelip, bir jerge jınap, ornalastyryp, aýdan atyn Qorǵan dep qoısa ǵoı, shirkin... Qorǵan degen eldimekender Iran, Aýǵanstan, Reseıde de bar.
Qysqasy osy oı iske assa Soltústikte taza qazaq tildi bir aýdan paıda bolar edi. Keremet emes pe, kelisesiz be?..
Ol jaqqa muǵalim, dáriger, tipti polısıa men moldasyna deıin Ońtústikten kóshirip jaıǵastyrýdy kóshi-qonmen aınalysatyn "TAUEKEL" uıymy óz moınyna alar edi.
