– Túlkibas aýdanynyń áleýmettik-ekonomikalyq damýyna kóńil bólingen. Tabiǵaty ǵajaiyp, aýasy shipaly óńirdiń áleýeti óte joǵary. Ásirese týrizmdi damytýǵa múmkindik mol. Memleket basshysy Qasym-Jomart Kemeluly Túrkistan oblysynyna jumys saparynda halyqpen tyǵyz jumys isteýdi kúsheitýdi tapsyrdy. Sonymen birge Qazaqstan halqyna arnaǵan Joldaýynda halyqtyń kókeiinde júrgen ózekti máseler boiynsha naqty tapsyrmalar berdi. Bul rette árbir azamat óz salasy boiynsha eńbek etýi tiis. Jańa bastamalar Túlkibas aýdanynyń ekonomikalyq damýyna tyń serpin beredi. Aýyl sharýashylyǵy, týrizm jáne ónerkásip salasynyń damý qarqynyn arttyramyz, – dedi Darhan Satybaldy.
Búginde aýdannyń infraqurylymyn arttyrý, turǵyndardyń ómir sapasyn jaqsartý baǵytynda júieli jumystar atqarylýda. Biyl Eńbekshi jáne Mailykent aýyldarynda jańa mektepter paidalanýǵa beriledi. «Aýyl – El besigi» jobasy aiasynda 11 eldi mekende 32 joba iske asyrylýda. Amangeldi, Abaiyl jáne Taýsaǵyz eldi mekenderinde 3 mekteptiń qurylysy júrýde. Al Kershetas eldi mekeninde mektepti kúrdeli jóndeý jumystary qolǵa alynyp, jańa mádeniet úiiniń qurylysyna qajetti qarjy qarastyryldy. Aqbiik, Keltemashat, Rysqul, Shuqyrbulaq eldi mekenderinde 4 dárigerlik ambýlatoriianyń qurylysy júrgizilýde.
Osy jáne ózge de derekterge toqtalǵan oblys ákimi kezdesýden keiin birneshe turǵyndy ótinishi boiynsha jeke qabyldap, máselelerin tyńdady. Árbir ótinish hattamaǵa engizilip, tiisti jumys júredi.
Oblys ákimi jumys saparynda Túlkibastaǵy birqatar kásiporyndy aralady, alda júzege asatyn jobalarmen tanysty. Solardyń biri – sýsyn shyǵaratyn «BEIBARYS BOTTLERS» JShS. RC Sola ataýymen san alýan túrli aýyz sý jáne qosh iisi bar sýsyndar shyǵaratyn nysannyń qurylys jumystary biyl shilde aiynda bastaý aldy. Jobanyń jalpy quny – 7 mlrd 600 mln teńge. Nysan 2024 jyly paidalanýǵa berilmek. Iske qosylǵan jaǵdaida 100-ge jýyq jańa jumys orny ashylady dep kútilýde.
Darhan Satybaldy jeke investitsiialar men biznes ideialar arqyly jumys oryndaryn kóbeitýdi tapsyrdy. Ásirese shaǵyn jáne orta kásipkerlikke, jańa kásiporyndar ashýǵa basymdyq berý kerektigin aitty. Turǵyndarǵa kásipkerlikti damytýǵa memleketten beriletin múmkindikterdi túsindirý jumystary da kúsheitile túsedi.
