Bir aida otandyq bankter arasynda iýan saýdasynyń kólemi 133 esege ósken.Bir qyzyǵy, birjadan tys naryqta rezident bankter arasynda Qytai valiýtasymen saýda-sattyqtyń qalyptan tys joǵary kólemi jyl basynan beri úshinshi ret tirkelip otyr, dep jazady Dalanews.kz DATA HUB-qa silteme jasap.
"Qarasha aiynyń qorytyndysy boiynsha, birjadan tys naryqta rezident bankter arasynda Qytai valiýtasyn satyp alý/satý boiynsha operatsiia kólemi 1,35 mlrd iýandy qurady. Bul ortasha baǵam boiynsha eseptesek, 94,7 mlrd teńge bolady. Dástúrli túrde rezidentterdiń úlesine saýdanyń barlyǵy derlik tiesili boldy: iýandi satyp alýdyń da, satýdyń da jalpy kólemi, beirezidenttermen jasalǵan operatsiialardy esepke alǵanda 1,45 mlrd iýan boldy. Ótken aimen salystyrǵanda kórsetkish kemi 133 esege ósken", delinedi Birinshi kredittik biýrosy usynǵan málimette.
Tańǵalarlyǵy, eń aldymen, qazan aiynda tranzaktsiialar kólemi mardymsyz (10,5 mln iýan) bolǵan. Degenmen, sarapshylar mundai jaǵdai bizde jii oryn alatynyn aitady: mysaly, 2024 jyly 11 aidyń jeteýinde kórsetkish nólge jaqyn bolǵan.
"Qarashadaǵy kórsetkish búkil kezeńde ekinshi ret kórinis taýyp otyr. Buǵan deiin 1 mlrd iýan deńgeiinen bir-aq ret, 2024 jyldyń shilde aiynda (3,88 mlrd iýan) asyp ketken. Bir qyzyǵy, birjadan tys naryqta rezident bankter arasynda Qytai valiýtasymen saýda-sattyqtyń qalyptan tys joǵary kólemi jyl basynan beri úshinshi ret tirkeldi (mamyrda 864,8 mln iýan boldy). Buǵan deiin baqylaýshylar bizdiń birjadan tys saýda-sattyqtaǵy ósimdi tek iýanmen ǵana emes, Máskeý birjasyna qarsy sanktsiialardyń engizilýimen bailanystyrdy. Sonymen birge reseilik kompaniialardyń Qytaimen esep aiyrysý mehanizmderin ózgertken bolýy múmkin".
Taǵy da. Resei Federatsiiasynyń Ortalyq bankiniń derekterine sensek, sońǵy 2,5 jylda Resei importyndaǵy "dostas" elder valiýtalarynyń (negizinen, iýan) úlesi 1%-dan 46%-ǵa (!) deiin bir-aq ósti.
Bul rette Bloomberg derekkózderi Qazaqstannyń valiýta naryǵynda reseilik klientterdiń iýanǵa degen qyzyǵýshylyǵynyń artqanyn atap ótti. Operatsiialar teńgeden basqa valiýtada da júrgizilýi múmkin ekendigi, sondyqtan olardyń kólemi statistikada kórsetilmeitini aitylady.
"Buǵan qosa, qazan aiynda kúrt ósken reseilik valiýtany birjadan tys naryqta satyp alý operatsiialarynyń kólemi qarashanyń sońynda is júzinde óziniń ádettegi mánderine oralyp, 17,7 mlrd rýbldi quraǵanyn atap ótemiz. Bul ulttyq valiýtaǵa shaqqanda 86,9 mlrd teńgeni quraidy. Onyń ústine bul somanyń 82 paiyzy rezident emesterden túsken", deidi DATA HUB.
