Elordada Astana qalasy ákimdiginiń tikelei qoldaýymen ótken JASTAR JALYNY-2024 stýdenttik shyǵarmashylyq-sporttyq festivaliniń qorytyndysy shyqty. Halyqaralyq stýdentter kúni qarsańynda jeńimpazdardy marapattaý rásimi ótip, sharaǵa Astana qalasy ákiminiń orynbasary Eset Baiken qatysty, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Ákimidik uiymdastyrǵan festivaldiń maqsaty jastardyń shyǵarmashylyq áleýetin ashý jáne daryndy stýdentter men ujymdardyń damýyna jaǵdai jasaý boldy. Is-shara barysynda stýdentter sport pen ónerdegi jetistikterin kórsetip qana qoimai, komandada jumys isteýge, óz oiyn bildirýge jáne kóshbasshylyq qasietterin kórsetýge úirendi.
– Stýdenttik ómir – bul máńgi este qalatyn ýaqyt, ony umytý múmkin emes. Jastar – qoǵamnyń qozǵaýshy kúshi, odan ári damýdyń negizi jáne ár eldiń bolashaǵy. Búgingi tańda elordada qalamyzdyń damýyna úles qosyp, bolashaǵymyzdy qamtamasyz etetin 450 myń jas turady. Qurmetti jastar, Sizderdi merekelerińizben quttyqtaimyn! Jarqyn estelikterge toly jastyq sizderge tek jetistikter men qýanyshty sátke toly bolsyn, – dedi festival jeńimpazdaryn quttyqtaǵan Astana qalasy ákiminiń orynbasary Eset Baiken.
Konkýrstyq baǵdarlamaǵa elordanyń 15 JOO-nyń 100 myńǵa jýyq stýdenti qatysqan. Festival qatysýshylaryn kásibi mádeniet, óner jáne sport qairatkerleri, sondai-aq belgili ártister, horeograftar men videograftar baǵalady.
Stýdentter fýtbol, voleibol, shahmat, ústel tennisi, estrada, dombyra, ulttyq jáne zamanaýi bi, teatr jáne mobilografiia siiaqty óner jáne sport túrleri boiynsha baq synasty.
– Jeńis jaqsy daiyndyq pen óz qabiletterine degen senimdiliktiń nátijesi boldy. Festivalde jańa adamdarmen aralasý meni shabyttandyrdy. Stýdentterdiń shahmatqa qyzyǵýshylyq tanytyp, ózderine qoldaý kórsetip jatqanyn kórý qýanysh pen motivatsiia beredi, – dedi álem chempiony, Qazaqstan men Aziianyń birneshe dúrkin chempiony, Qazaqstan áielder quramasy quramasyndaǵy Olimpiadanyń kúmis júldegeri, dene shynyqtyrý jáne buqaralyq sport akademiiasynyń stýdenti Merýert Kamalidenova.
Gran-pri barlyq nominatsiialardyń qorytyndysy boiynsha eń kóp ball jinaǵan Qazaq ulttyq óner ýniversitetine berildi. Festivaldiń bas júldesi 500 000 teńgeni qurady. Ekinshi komandalyq orynǵa dene shynyqtyrý jáne buqaralyq sport akademiiasy, úshinshi orynǵa S. Seifýllin atyndaǵy Qazaq agrotehnikalyq zertteý ýniversiteti ie boldy.
Ár nominatsiianyń jeńimpazdary aqshalai syilyqtarǵa ie boldy. Birinshi oryn úshin 100 000 teńgeden, ekinshi orynǵa 70 000 teńgeden, úshinshi orynǵa 50 000 teńgeden tabys etildi.
