Aitalyq, Q.I.Sátpaev atyndaǵy Qazaq ulttyq tehnikalyq ýniversitetiniń Ǵylymi kitaphanasynda tutas tehnikalyq salaǵa qajetti qundy málimetter bar. Bizdiń kitaphanadan ónerkásip salasy, onyń ishinde munai jáne gaz isi, taý ken óndirisi, metallýrgiia, sáýlet jáne qurylys salasyna qajetti qyrýar aqparat ala alasyz. Kitaphanamyz kóp salaly mamandar daiarlaýdyń úrdisine sai zamanaýi tehnologiialarmen jabdyqtalǵan. Bul bai ǵylymi qor oqý ornyna qarasty orta býyn (kolledj) jáne joǵary býyn stýdentteri men magistranttarǵa ári ustazdar qaýymyna aýadai qajet.
[caption id="attachment_8233" align="alignleft" width="300"]
Qazir biz kitaphana qyzmetkerleriniń bilim deńgeii men kásibi sheberligin kóterý, elektrondy kitaphana quryp, osy arqyly aqparattyq resýrstardy elektrondyq nusqada qoljetimdi qylý maqsatynda irgeli is-sharalardy júzege asyrýdamyz. Endigi jerde oqyrmandardyń óz ýaqytyn únemdeitin, al kitaphana qyzmetkerleri tiisinshe kelýshilerge talap etken kitap-qujattardy ýaqyt ozdyrmai taýyp beretin múmkindigi bar. Kitaphananyń uiytqy bolýymen ótkiziletin mádeni-tanymdyq is-sharalar jetip artylady. Mysaly, «El bolamyn deseń, besigińdi túze» jobasy boiynsha stýdentterdi týǵan tilin dáripteýge, salt-dástúrin saqtaýǵa úiretemiz, jol kórsetemiz. Turaqty túrde til aptalyǵy ótkizilip turady. Bastysy, bul baǵyttardy sóz emes, is júzinde oryndap otyrmyz.
Búgingi kúni kitaphanadaǵy qundy týyndylardyń derligi elektrondy túrge kóshirilip, elektrondy kitaphana qurdyq. Bul tarapta ádebietterdi kúndelikti bolmasa da, apta saiyn, ai saiyn jańartyp, tolyqtyryp otyrý qajettigi aitpasa da belgili. Sondyqtan elektrondy kitaphana sandyq óńdeý negizin qurýda. Bul maqsatta biz ortalyqqa «Elar Plan Skan A2V» skanerin satyp aldyq. Elektrondy ortalyqtyń qoryn tolyqtyrýǵa professor-oqytýshylar quramy da atsalysyp otyr. Naqtylap óteiin: ýniversitet ustazdary elektrondyq kitaphananyń «Meniń jariialanymdarym» jelisine kire otyryp, bul jerge óziniń ǵylymi jumysyn, maqalasyn sala alady. Al bul ustazynan úlgi alyp, úirengisi keletin stýdentter úshin taptyrmas málimet.
Ýniversitet stýdentteri elektrondy kitaphananyń kómegimen Taý tulǵa –Qanysh Imantaiuly Sátpaevtyń ómir jolymen jete tanysa alady. Osy maqsatta biz saitymyzda «Virtýaldy kórme» dep atalatyn arnaiy aidar ashtyq.
Biz sanǵa emes, aldymen sapaǵa mán beremiz. Sannyń suiylyp keteri, al sapanyń sanada qalary anyq qoi. Sózime dálel, ázirgi kúni JOO-lar arasynda Q. I. Sátbaev atyndaǵy QazUTÝ-dyń elektrondy kitaphanasy sapa reitinginde 2-shi orynda tur! Biz óz qazanymyzda ózimiz qainap jatqan joqpyz. Ǵylymi turǵydan halyqaralyq bailanys jaqsy jolǵa qoiylǵan. Jaqynda ǵylymi kitaphana jýrnaldardyń derekter qorynan: Elsevier,Thomson Reuters, SpringerLink,Science jýrnaldaryn satyp alý múmkindigine ie boldy.
Budan syrt ǵylymi kitaphananyń janynan 100 oryndyq arnaiy elektrondy oqý zaly ashyldy. Oqý zalynda oqyrmanǵa qajetti barlyq dúnie bar. Oqý ornynyń qoldaýymen atalǵan zal jaqynda 30 dana jańa kompiýtermen tolyqty. Elektrondy oqý zalynda 500- den asa satyp alynǵan elektrondy qujattardyń nusqasy saqtalsa, saitqa qoiylǵan elektrondy resýrstyń qory shamamen 8 myńǵa jýyqtaidy. Biz bul arada elektrondy kitaphanany túrli týyndylardyń basyn toǵystyrǵan málimet bazasyna ǵana emes, ári aqparattyq saitqa ainaldyra bildik. Ustazdar men stýdentter kitaphanaǵa qatysty sońǵy jańalyqtardy, jańa túsken ádebietterdi «Kitaphana» aidarynan kóre alady.
Jalpy atqarylar jumys áli dep kóp. Sirek kezdesetin ádebietterdi, dissertatsiialardy elektrondy kitaphanaǵa salyp, qoryn tolyqtyrýdy jalǵastyra túspekpiz. Osy arqyly ortalyqty jańa zamannyń talaptaryna beiimdelgen kósheli kitaphanaǵa ainaldyrǵymyz keledi. Al bul aptanyń orny bólek. Q.I.Sátbaev atyndaǵy Qazaq ulttyq tehnikalyq ýniversitetine 80jyl tolyp otyr, sonymen qatar, bizdiń Ǵylymi kitaphanamyz da dál osy mejeni baǵyndyrdy! Óz tarapymnan «qazaq tehnikalyq joǵary oqý oryndarynyń qara shańyraǵy» atanǵan bilim ordasyn jáne Ǵylymi kitaphananyń ujymyn 80 jyldyq mereitoiymen quttyqtaimyn!
Qapalhan HUSAINOVA,
Q.I. Sátbaev atyndaǵy QazUTÝ-dyń
Ǵylymi kitaphana direktory
