Májilis jumysyna rektor Takir Balyqbaev, QR Bilim jáne ǵylym ministrliginiń, JOO men úkimettik emes, arnaiy bilim berý uiymdarynyń ókilderi qatysty. Is-shara barysynda ýniversitet professor-oqytýshylar quramynyń «Arnaiy pedagogika» mamandaryn daiarlaý baǵyty jáne inkliýzivti bilim berý boiynsha oqý-ádistemelik jáne ǵylymi eńbekteriniń kórmesi uiymdastyryldy.
Májilisti ashqan Abai atyndaǵy QazUPÝ rektory Takir Balyqbaev sharanyń mańyzdylyǵyn atap ótti.
– Búgingi tańda bilim berý jáne pedagogikalyq kadrlardy, sonyń ishinde arnaiy pedagogtardy daiarlaýda ózekti máseleler kóp. Memleket basshysy Qazaqstan halqyna arnaǵan «Syndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýynda múmkindigi shekteýli balalardy qoldaý, inkliýzivti qoǵam qurý bizdiń jumysymyzdyń basym baǵyttarynyń biri bolýy tiis dep málimdedi. Búgingi tańda joǵary defektologiialyq bilim berýdiń tiimdiligin joǵarylatýdyń ózektiligi arnaiy jáne bilim berý mekemelerindegi múmkindigi shekteýli balalarmen jumys jasaýdaǵy muǵalimderdiń aimaqtyq qajettilikterin eskere otyryp, ony ikemdi jáne jyldam qaita qurý úshin reformalaý máselesin sheshedi. Bul jaǵdaida joǵary bilim júiesiniń defektologiiamen jáne arnaiy bilimmen ózara árekettesý mehanizmin jasaý qajet, – dedi rektor.
Rektor sonymen qatar inkliýzivti bilim berý júiesi tek elimizde ǵana emes, búkil álemde de ózekti ekenin atap ótti.
– Bilim berýdi izgilendirý oqytý men tárbieleý úderisinde balanyń damýyna, tanymdyq qyzyǵýshylyǵy men jeke basynyń damýyna yqpal etetin oqytý ádisteri men formalaryn qoldanýdy talap etedi. Qoǵamdastyqty damytýdyń negizgi printsipi-árbir adamnyń ózderiniń bilim alý qajettilikterin qanaǵattandyrý jáne sapaly bazalyq bilim alý quqyqtaryn qamtamasyz etý. Bul máseleni iske asyrý barysynda obektivti kedergiler bar, mysaly, defektologtardyń, logopedterdiń, tárbieshilerdiń jáne kóp deńgeili baǵdarlamalardyń jetispeýshiligi, erekshe kútimdi qajet etetin balalarmen qarym-qatynas jasaýdaǵy muǵalimniń kásibi biliktiliginiń tómendigi, materialdyq bazasy álsiz, inkliýzivti bilim berý jaǵdaiynda pedagogikalyq protsesti josparlaý, uiymdastyrý, jobalaý jáne damytý jáne t.b. sýbektivti sebepterdiń kúsheiýine bailanysty ádistemelik daiyndyqtyń jetkiliksizdigi. Jalpy, eldegi inkliýzivti bilimniń qajettilikterin eskere otyryp, osy bilim berý úderisine qatysýshylardyń kásibi quzirettiligin damytýǵa baǵyttalǵan oqytý júiesi jetildirýdi qajet etedi, – dedi T.Balyqbaev.
[caption id="attachment_50559" align="aligncenter" width="791"]
Májilis barysynda «Abai atyndaǵy Qazaq ulttyq pedagogikalyq ýniversitetinde arnaiy pedagogika mamandaryn daiarlaý baǵyty boiynsha bilim berý baǵdarlamalaryn júzege asyrý tájiribesi men perspektivalary», «Qazaq ulttyq qyzdar pedagogikalyq ýniversitetinde arnaiy pedagogika mamandaryn daiarlaý máseleleri men perspektivalary», «Emotsiialyq-erik sferasy buzylǵan balalarmen jumysta qoldanbaly minez-qulyqty taldaýdyń róli», «Defektolog mamandardyń kásiptik bilim berýdegi ózekti máseleleri», «Múmkindigi shekteýli tulǵalar úshin joǵary oqý oryndarynda bilim berý ortasynyń qoljetimdiligin taldaý» taqyryptarynda baiandamalar jasaldy.
Májiliste Abai atyndaǵy QazUPÝ-da arnaiy pedagogika mamandaryn daiarlaýdyń bilim berý baǵdarlamalaryn júzege asyrýdyń tájiribesi men bolashaǵy talqylanyp, múmkindigi shekteýli jandar úshin ýniversitetterdegi bilim berý ortasynyń qol jetimdiligine taldaý jasaldy.
Abai atyndaǵy QazUPÝ-da muǵalimderdi daiarlaýdyń ózekti máselelerin sheshýde 2019 jyly «XXI ǵasyr muǵaliminiń portreti» jasalǵanyn atap ótý kerek. Jańa býyn pedagogtaryn daiyndaý maqsatynda ýniversitette 129 bilim berý baǵdarlamasy engizilgen. Inkliýzivti bilim berýge erekshe kóńil bólinip, Túzeý pedagogikasynyń Ulttyq ǵylymi-praktikalyq ortalyǵymen jáne Aqyl-esiniń jáne boi-bitiminiń jetilýinde kemistigi bar balalar men jasóspirimderdi áleýmettik beiimdeý jáne kásibi eńbekpen ońaltý ortalyǵymen tyǵyz bailanysta pedagogikalyq kadrlardy daiarlaýǵa arnalǵan «Inkliýzivti bilim berý» páni boiynsha oqý baǵdarlamasy ázirlenip, usynyldy. Abai atyndaǵy QazUPÝ bazasyndaǵy Qazaqstan Respýblikasy oqý oryndarynda inkliýzivti bilim berý boiynsha resýrstyq keńes berý ortalyǵy inkliýzivti bilim berý salasynda muǵalimderdiń biliktiligin arttyrý jobasyn júzege asyrýda. Ýniversitet mekteptermen tyǵyz bailanysta jumys isteýdiń jańa ádisterin meńgerýde. Biylǵy oqý jylynan bastap ýniversitettiń ár oqytýshysy orta bilim berý uiymdarynda 30 saǵat jumys isteidi.
Rimma JANBAEVA
