Eń aldymen Amandyq Batalov qalalyq məslihattyń kezekten tys 71-shi sessiiasynda depýtattarmen kezdesip, Qapshaǵaidy buǵan deiin basqarǵan Talǵat Qainarbekovtiń basqa jumysqa aýysýyna bailanysty
jańa əkimniń kandidatýrasy Prezident Əkimshiliginiń kelisimimen usynylyp otyrǵanyn aitty.
Nurlan Orynbasarulynyń ómirbaianyna qysqasha toqtalǵan oblys basshysy jańa əkimniń bar jinaqtaǵan təjiribesin, kúsh-jigerin qalanyń damýyna arnaitynyna senim bildirdi. Depýtattar kandidatýrany biraýyzdan qoldady.
Munan soń Amandyq Batalov T. Qainarbekovtiń tyndyrymdy jumysyna rizashylyǵyn bildirip, buǵan deiin Ile aýdany əkiminiń orynbasary bolǵan Nurlan Qumataevqa qalany damytýda úlken mindetter júktedi.
- Talǵat Qanatuly qalany tórt jylǵa jýyq basqardy. Qapshaǵai - erekshe qala. Sondyqtan kadr irikteýde biz ərqashan asa salmaqty sheshim qabyldaimyz. Bul rette Talǵat Qanatuly qalanyń əleýmettik-ekonomikalyq damýynda edəýir jumystar atqardy.
Jańa kəsiporyndar ashý, jańa jumys oryndaryn qurý, halyqtyń əl-aýqatyn arttyrýda oń nətijelerge qol jetkizdi.
Negizgi kapitalǵa 8,7 mlrd. teńge investitsiia tartyldy. Qalaǵa biylǵy jyly 4,6 mlrd.teńge bólinip otyr. Qalada turǵyn úiler, demalys oryndary salynyp, kól jaǵalaýy abattandyryldy, aýlalar qalpyna keltirildi, iri infraqurylymdyq jobalar iske asyrylýda. Qalanyń jańa basshysynyń aldynda osy isterdi, memlekettik baǵdarlamalardyń oryndalýyn, Qapshaǵaidyń əleýmettik-ekonomikalyq damýyn odan əri jalǵastyrý mindeti tur, - dep atap ótti A.Batalov.
Oblys əkimi ekonomikalyq damýdy qalpyna keltirýdiń keshendi josparyn iske asyrý, Jumyspen qamtý jol kartasyn nətijeli oryndaý, indetpen kúres kezeńinde jumys oryndaryn saqtaý men jańa jumys oryndaryn ashý baǵytynda túbegeili sharalar qabyldaý, óńirge investorlar tartý jumysyn ary qarai da júzege asyrýdy tapsyrdy.
- Qapshaǵaida iri ónerkəsip oryndary kóp. Olardyń jumysy tótenshe jaǵdai kezinde toqtaǵan joq. Bul rette negizinen zardap shekken shaǵyn jəne orta biznes, sondyqtan sol salaǵa qoldaý kórsetý kerek. Qazir oblysta 51 myńnan astam adam turǵyn úi kezeginde tur. Osy kezektegi azamattardy baspanamen qamtýda jańadan qabyldanǵan "5-10-20" baǵdarlamasynyń tiimdiligi zor. Oǵan qosa "Baqytty otbasy", "Nurly jer", "7-20-25" baǵdarlamalary arqyly da, sol qatarda jeke qurylys júrgizýshiler esebinen de turǵyn úiler salý kólemin arttyrý kerek. Qalanyń əleýmettik-ekonomikasyn kóterýdegi barlyq igi isterińe oblys əkimi retinde qoldaý kórsetemin, - dedi A. Batalov jańa əkimge qarata.
Munan soń T. Qainarbekov ózimen qoian-qoltyq jumys istegen depýtattarǵa, əriptesterine, qala turǵyndarynyń atyna rizashylyǵyn bildirse, N. Qumataev óz sózinde ózine artylǵan senimdi aqtaitynyna sendirdi.
Qalalyq məslihat depýtaty Səýle Nursultanova da tilek bildirip, oi qosty.
Atap ótsek, Qapshaǵai qalasynyń əkimi laýazymyna taǵaiyndalǵan Nurlan Orynbasaruly Qumataev buǵan deiin Ile aýdanynda memlekettik qyzmette birqatar laýazymdardy atqarǵan, 2016 jyldyń aqpan aiynan búginge deiin Ile aýdany əkiminiń orynbasary bolǵan.
Dalanews.kz anyqtamasy:
Nurlan Orynbasaruly QUMATAEV
1970 jyly týǵan. Almaty memlekettik meditsina institýtyn stomatolog dəriger, Qazaq memlekettik zań akademiiasyn zańger, Shet tilder jəne iskerlik karerasy ýniversitetin ekonomika bakalavry mamandyqtary boiynsha bitirgen.
Eńbek jolyn Almaty qalasyndaǵy #4 stomatologiialyq emhanasynyń stomatolog dərigeri bolyp bastaǵan.
Ər jyldarda Ile aýdany Jetigen aýyldyq okrýgi əkiminiń orynbasary, Ile aýdany əkimi apparaty Turǵyn úi-kommýnaldyq sharýashylyǵy bóliminiń bas mamany, Ile aýdany Baiserke aýyldyq okrýgi əkiminiń orynbasary, Ile aýdany əkimi apparaty Shaǵyn jəne orta biznes, Jumyspen qamtý jəne əleýmettik baǵdarlamalar bólimderiniń bastyǵy boldy.
2016 jyldyń aqpanynan - Ile aýdany əkiminiń orynbasary.
