«Eńbek mınıstrligi jáne basqa da memlekettik organdardyń aqparattyq júıeleri arqyly ótinish berýshilerdiń málimetterin tekserý kezinde jeke kásipkerler men qyzmetkerlerdiń joǵaryda atalǵan talaptarǵa sáıkes kelmeý jaǵdaılary anyqtaldy. Osyǵan baılanysty olarǵa áleýmettik tólemder tóleýden bas tartyldy», - dedi vıse-mınıstr.
Onyń atap ótýinshe, tólemdi taǵaıyndamaý zeınetaqy jarnalary men áleýmettik aýdarymdardyń bolmaýyna, tótenshe jaǵdaı kezinde zeınetaqy jarnalary men áleýmettik aýdarymdardyń ósýine, jeke kásipkerlerdiń kiristi joǵaltqanyn rastamaýyna, birneshe kiristiń bolýyna, ótinishte kórsetilgen jumys berýshi zeınetaqy jarnalary men áleýmettik aýdarymdardy tóleýshige sáıkes kelmeýine baılanysty boldy.
Sonymen qatar, jumyssyzdyq mártebesi bola tura ótinish bergender de bar.
Munan bólek, qaıtys bolǵan adamdardyń, shetelge shyǵyp ketken adamdardyń, qamaýda otyrǵan adamdardyń atynan ótinishter, tótenshe jaǵdaı kezinde jumys istegen memlekettik sektordyń, kvazımemlekettik sektordyń, ekinshi deńgeıli bankterdiń jáne basqa kásiporyndardyń qyzmetkerleriniń ótinishteri, belsendi zeınetaqy jáne járdemaqy alýshylardyń ótinishteri de túsken.
Bul azamattarǵa da áleýmettik tólem berilgen joq.
