«ەڭبەك مينيسترلىگى جانە باسقا دا مەملەكەتتىك ورگانداردىڭ اقپاراتتىق جۇيەلەرى ارقىلى ءوتىنىش بەرۋشىلەردىڭ مالىمەتتەرىن تەكسەرۋ كەزىندە جەكە كاسىپكەرلەر مەن قىزمەتكەرلەردىڭ جوعارىدا اتالعان تالاپتارعا سايكەس كەلمەۋ جاعدايلارى انىقتالدى. وسىعان بايلانىستى ولارعا الەۋمەتتىك تولەمدەر تولەۋدەن باس تارتىلدى»، - دەدى ۆيسە-مينيستر.
ونىڭ اتاپ وتۋىنشە، تولەمدى تاعايىنداماۋ زەينەتاقى جارنالارى مەن الەۋمەتتىك اۋدارىمداردىڭ بولماۋىنا، توتەنشە جاعداي كەزىندە زەينەتاقى جارنالارى مەن الەۋمەتتىك اۋدارىمداردىڭ وسۋىنە، جەكە كاسىپكەرلەردىڭ كىرىستى جوعالتقانىن راستاماۋىنا، بىرنەشە كىرىستىڭ بولۋىنا، وتىنىشتە كورسەتىلگەن جۇمىس بەرۋشى زەينەتاقى جارنالارى مەن الەۋمەتتىك اۋدارىمداردى تولەۋشىگە سايكەس كەلمەۋىنە بايلانىستى بولدى.
سونىمەن قاتار، جۇمىسسىزدىق مارتەبەسى بولا تۇرا ءوتىنىش بەرگەندەر دە بار.
مۇنان بولەك، قايتىس بولعان ادامداردىڭ، شەتەلگە شىعىپ كەتكەن ادامداردىڭ، قاماۋدا وتىرعان ادامداردىڭ اتىنان وتىنىشتەر، توتەنشە جاعداي كەزىندە جۇمىس ىستەگەن مەملەكەتتىك سەكتوردىڭ، كۆازيمەملەكەتتىك سەكتوردىڭ، ەكىنشى دەڭگەيلى بانكتەردىڭ جانە باسقا كاسىپورىنداردىڭ قىزمەتكەرلەرىنىڭ وتىنىشتەرى، بەلسەندى زەينەتاقى جانە جاردەماقى الۋشىلاردىڭ وتىنىشتەرى دە تۇسكەن.
بۇل ازاماتتارعا دا الەۋمەتتىك تولەم بەرىلگەن جوق.
