«Otbasy bank» AQ Shyǵys Qazaqstan oblysy ákimdigimen birlesip, monoqalalar turǵyndary úshin jeńildigi bar ipoteka jobasyn ázirledi. Baǵdarlama bilikti kadrlardy óńirde ustap qalý jáne tartý úshin turǵyn úimen qamtamasyz etý maqsatynda qurylǵan, - dep habarlaidy Dalanews.kz.
Elimizde ýrbanizatsiia qarqyndy júrýde. Aýyldardan, qala berdi, úlken qalalardan da turǵyndardyń jappai kóship jatqany jasyryn emes. Ásirese, eger eldimekenderde qala quraýshy kásiporyndar bolmasa, jergilikti halyq údere kóship,jumys izdep, qalaǵa aǵylatyn tendentsiia bar. Monoqalalardaǵy kóptegen salada mamandardyń jetispeýshiligi osyndaidan shyǵyp otyr.
Oblystyq ákimdik qaramaǵyndaǵy Bilim, densaýlyq saqtaý, TJ qyzmeti, jumyspen qamtý jáne áleýmettik baǵdarlamalar basqarmalarynyń derekteri boiynsha Ridder, Altai aýdany, Zaisan jáne Shemonaiha aýdandarynda 409 maman jetispeidi.
Rasymen de, shaǵyn qalalarda turǵyn úimen qamtamasyz etý máselesi ótkir tur. Máselen, oblystyq ákimdik usynǵan derekter boiynsha, Shyǵys Qazaqstan oblysynyń monoqalalarynda 5411 adam memlekettik qordan turǵyn úi alýǵa kezekte tur. Zaisan aýdanynda – 1668 adam, Ridderde – 1583 adam, Altai qalasynda — 1400 adam jáne Shemonaiha aýdanynda — 760 adam.
Biraq, sheshilmeitin túiin joq. Óńirde «Otbasy bank» AQ tikelei qatysýymen turǵyn úi kezegin qysqartý, túrli sala mamandaryn turǵyn úimen qamtamasyz etý, monoqalalardan halyqtyń ketýin azaitý joldary qarastyryldy.
Bul rette Ridder, Altai, Shemonaiha, Zaisan, Serebriansk qalalarynyń turǵyndary úshin jeńildetilgen nesieleýdiń aimaqtyq baǵdarlamasy týraly aityp otyrmyz.
Baǵdarlama aiasynda 10 paiyzdyq bastapqy jarnamen baspana satyp alýǵa múmkindigi beriledi. Nesie boiynsha mólsherleme jyldyq 6 paiyzdy quraidy (jyldyq tiimdi syiaqy mólsherlemesi 6,2%-dan 6,8% deiin). Qaryzdyń eń joǵary somasy 20 million teńgege deiin barady. Bul turǵyn alý jetetin, ájepteýir jetkilikti qarajat. Mysaly, sol Ridderde osy somaǵa siz ekinshinaryqtan úsh nemese tórt bólmeli páter satyp ala alasyz. Mańyzdysy sol, klient baǵdarlama aiasynda bastapqy jáne qaitalama naryqta jyljymaityn múlik satyp ala alady.
Baǵdarlamaǵa bastama bergen memorandýmǵa Shyǵys Qazaqstan oblysynyń ákimdigi jáne «Otbasy bank» AQ oblystyq filialynyń basshylyǵy 31 shildede qol qoidy.
– Memleket Basshysy Qasym-Jomart Toqaev «Ádil Qazaqstannyń ekonomikalyq baǵyty» atty halyqqa joldaýynda Otbasy bankiniń qyzmetin birinshi kezekte aýdandardyń, monoqalalar men aýyldardyń turǵyndaryn baspanamen qamtamasyz etýge qaita baǵyttaýdyń mańyzdylyǵyn atap ótti. Bul jumys bankte josparly túrde júrgizilýde,-deidi «Otbasy bank» AQ Shyǵys Qazaqstan oblystyq filialynyń direktory Nazigúl AQQULOVA.
Baǵdarlamany júzege asyrý úshin bank pen ákimdik árqaisysy milliard teńgeden bóledi.
Baǵdarlamanyń bastamashylary ótinimderdi qabyldaý kúni men qatysýshylardy irikteý týraly málimetterdi keiinirek jariialaidy.
Aita keteiik, bul suranysqa ie mamandardyń turǵyn úi máselesin sheshýge baǵyttalǵan aimaqtaǵy alǵashqy baǵdarlama emes. Jyl basynan beri jylý energetikasy salasyndaǵy mamandardy qoldaý baǵdarlamasy iske qosyldy. Bul joba «Shyǵys mamany» dep atalady.
Sharttary – bastapqy jarna 10 paiyz, nesie mólsherlemesi – 5 paiyz (JTSM 5,2% bastap 5,7% deiin).
Búginde óńirdegi jylýmen jabdyqtaýshy kásiporyndardyń 13 mamany qonys toiyn atap ótti, taǵy úsheýi nesieni rásimdeý satysynda.
– Men páterdi baǵdarlamanyń arqasynda aldym jáne buǵan óte rizamyn! — deidi osy kásiporynda 13 jyldan astam eńbek etip kele jatqan «Altai qalasynyń jylý ortalyǵy» KMK elektr jabdyqtaryn jóndeý jáne qyzmet kórsetý jónindegi elektromonteri Oksana ShEGALEVA. — Men óz páterimde turamyn. Buryn men baspana jaldap, beitanys adamdarǵa tóleitin edim, endi ózim úshin tóleimin! Baǵdarlamanyń sharttary óte jaqsy, qolaily. Árine, men áriptesterime eger aldaǵy ýaqytta baǵdarlama iske assa, onyń qatysýshysy bolýdy usynar edim. Men bárin rettedim, kezeń-kezeńimen jáne qalai tez rásimdeý kerektigin aita alamyn. Jalǵyz tilegim– baǵdarlamaǵa qatysa alatyn mamandar tizimin keńeitý.
