Memleket basshysy Qazaqstan men Estoniianyń iskerlik top ókilderi qatysyp jatqan biznes-forým saýda jáne investitsiia salasyndaǵy ekijaqty yqpaldastyqty jandandyrýǵa septigin tigizetinine senim bildirdi dep habarlaidy Dalanews.kz.
Qasym-Jomart Toqaev kólik-logistika, tsifrlandyrý, aýyl sharýashylyǵy, ónerkásip, qarjy jáne bilim berý salalaryndaǵy ózara tiimdi seriktestiktiń perspektivti baǵyttaryna toqtaldy. Sondai-aq elimizde estoniialyq biznestiń keńeiýine jan-jaqty qoldaý bildirýge daiyn ekenin rastady.
Biznes-forým aiasynda eki el kompaniialary jalpy quny 517 million dollardan asatyn 11 kommertsiialyq qujatqa qol qoidy.
