Búgin Qyzylorda oblysynyń ákimi Nurlybek Nálibaev Syrdariia aýdanynyń Shaǵan aýylyna tabiǵi gaz qosý rásimine qatysty. Saltanatty basqosýǵa quqyq qorǵaý organdarynyń, jaýapty departament, basqarmalardyń basshylary, ziialy qaýym ókilderi men aýyl turǵyndary jinaldy, dep habarlaidy Dalanews.kz.
Aimaq basshysy óńirdiń áleýmettik-ekonomikalyq damýyndaǵy jetistikterdi atap ótip, shaǵandyqtardy quttyqtady.
«Jaqynda Memleket basshymyz Qasym-Jomart Kemeluly Syr óńirine arnaiy jumys saparymen kelgende áleýmettik nysandar men óndiris oryndarynda boldy. Sapar kezinde Syr óńiriniń áleýmettik-ekonomikalyq damýy, investitsiialyq jobalardy júzege asyrý barysyn baiandadym.
Prezidentimiz Astana men Almaty qalalaryndaǵydai táýlik boiy qyzmet kórsetetin úshinshi Prezidenttik kitaphana Qyzylordada ashylatyndyǵyn jetkizdi. Bul bastamany jerlesterimiz zor qýanyshpen qabyldaýda. Memleket basshymyz alǵa qoiǵan josparlardy ýaqytyly ári sapaly iske asyrýdyń mańyzyn atap ótti. Aimaqta investitsiialyq klimatty jaqsartý, biznes júrgizý úshin qolaily jaǵdai jasaý baǵytyndaǵy jumystardy jalǵastyrýdy tapsyrdy. Prezidentimizdiń Syr óńiriniń damý qarqynyna, atqarylǵan jumystarǵa bergen oń baǵasy bárimiz úshin zor mártebe.Biyl óńirimizdiń negizgi makroekonomikalyq kórsetkishteriniń ósimi qamtamasyz etildi. Jalpy óńirlik ónim kólemi 3 trln. teńgeden asady. Sońǵy úsh jylda óńir ekonomikasyna 1 trillion 600 mlrd. teńge quiylsa, osy jyly 720 mlrd. teńgeden astam investitsiia tartylady. 2025-2028 jyldary 2 trln. teńgeden astam qarjyǵa 90 investitsiialyq joba júzege asyrylyp, 11 myńnan asa jańa jumys orny ashylady.
Prezidentimizdiń, Úkimettiń erekshe qoldaýymen oblysymyzdyń biýdjeti 851 mlrd. 300 mln. teńgege jetip, 2022 jyldan beri 233 paiyzǵa ósti. Onyń 56 paiyzy áleýmettik salaǵa baǵyttaldy.
Barshańyzdy Shaǵan aýylyna tabiǵi gaz qosylýymen quttyqtaimyn! Bul – bárimizdiń ortaq qýanyshymyz! Kógildir otyn turmys-tirshiligimizdiń tynysyn ashyp, otbasynyń jylýyn, Otanymyzdyń qýatyn arttyra bersin!», – dedi N.Nálibaev.
Jiynda aýdannyń áleýmettik-ekonomikalyq damýyna tynymsyz eńbegimen úles qosqan ardagerler men gazdandyrý jumystaryn júrgizgen merdiger mekeme qyzmetkerleri oblys ákiminiń Alǵys hatymen marapattaldy. Qoǵam qairatkeri Árip Hojbanov jinalǵan qaýymǵa bata berdi.
Aimaq basshysy gaz qosý rásiminen keiin aýyl turǵyndarymen kezdesip, oi-pikir almasty, ótinish-tilekterin tyńdady. Oblys aýmaǵynda atqarylǵan, qolǵa alynǵan, josparlanǵan jumystardyń baǵyty týraly aitty.
