Astanada Marat Áitenovtiń burynǵy áieli Dana Áteshovaǵa qatysty úkim shyqty, - dep habarlaidy Dalanews.kz.
Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty otbasy-turmystyq qatynastar boiynsha quqyq buzýshyǵa qatysty ákimshilik materialdy qarady (ÁQBtK 73-babynyń 1-bóligi).
Is materialdaryna sáikes, Áteshova otbasylyq janjal barysynda burynǵy jubaiyna qatysty bylapyt sózder aitqan.
Sotta ol óz kinásin moiyndamady. Ol burynǵy jubaiyn bylapyt sózdermen qorlamaǵanyn, tek bylapyt sózder túrindegi etistikti qoldanǵanyn túsindirdi. Sonymen birge burynǵy jubaiynyń úide zańsyz bolyp, ony arandatqanyn jetkizdi.
ÁQBtK-niń 73-baby 1-bóliginiń sanktsiiasy eskertý jasaý ne 5 táýlikke ákimshilik qamaqqa alýǵa ákep soǵady. Áteshovanyń balalary bar jáne ol qamaqqa alý qoldanylmaityn adamdar sanatyna jatady.
Áteshovanyń kishkentai balalarynyń bolýy jáne quqyq buzýshylyqty alǵash ret jasaýy jaýapkershilik pen jazany jeńildetetin mán-jailar retinde tanyldy. Aýyrlatatyn mán-jailar anyqtalmady.
Sot eskertý túrindegi ákimshilik jaza qoldanyp, kelinshekti ÁQBtK-niń 73-babynyń 1-bóligi boiynsha kináli dep tanydy.
Qaýly zańdy kúshine engen joq.
