استانادا مارات ايتەنوۆتىڭ بۇرىنعى ايەلى دانا اتەشوۆاعا قاتىستى ۇكىم شىقتى، - دەپ حابارلايدى Dalanews.kz.
استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى وتباسى-تۇرمىستىق قاتىناستار بويىنشا قۇقىق بۇزۋشىعا قاتىستى اكىمشىلىك ماتەريالدى قارادى (اقبتك 73-بابىنىڭ 1-بولىگى).
ءىس ماتەريالدارىنا سايكەس، اتەشوۆا وتباسىلىق جانجال بارىسىندا بۇرىنعى جۇبايىنا قاتىستى بىلاپىت سوزدەر ايتقان.
سوتتا ول ءوز كىناسىن مويىندامادى. ول بۇرىنعى جۇبايىن بىلاپىت سوزدەرمەن قورلاماعانىن، تەك بىلاپىت سوزدەر تۇرىندەگى ەتىستىكتى قولدانعانىن ءتۇسىندىردى. سونىمەن بىرگە بۇرىنعى جۇبايىنىڭ ۇيدە زاڭسىز بولىپ، ونى ارانداتقانىن جەتكىزدى.
اقبتك-نىڭ 73-بابى 1-بولىگىنىڭ سانكسياسى ەسكەرتۋ جاساۋ نە 5 تاۋلىككە اكiمشiلiك قاماققا الۋعا اكەپ سوعادى. اتەشوۆانىڭ بالالارى بار جانە ول قاماققا الۋ قولدانىلمايتىن ادامدار ساناتىنا جاتادى.
اتەشوۆانىڭ كىشكەنتاي بالالارىنىڭ بولۋى جانە قۇقىق بۇزۋشىلىقتى العاش رەت جاساۋى جاۋاپكەرشىلىك پەن جازانى جەڭىلدەتەتىن ءمان-جايلار رەتىندە تانىلدى. اۋىرلاتاتىن ءمان-جايلار انىقتالمادى.
سوت ەسكەرتۋ تۇرىندەگى اكىمشىلىك جازا قولدانىپ، كەلىنشەكتى اقبتك-نىڭ 73-بابىنىڭ 1-بولىگى بويىنشا كىنالى دەپ تانىدى.
قاۋلى زاڭدى كۇشىنە ەنگەن جوق.
