Túrkistan oblysy Jetisai aýdanynda órt 12 adamnyń ómirin qidy. Kórshileri oqiǵa qalai bolǵanyn aitty, dep habarlaidy Dalanews.kz otyrar.kz-ke siltep.
"Tańǵy saǵat 5:05-te kórdim. Kelinshegi "apa, qutqaryńdarshy" dep aiqailap tur eken. Ol kelinshek ýlanyp qalǵan. Syrtqa shyǵa almai turdy. Kórshilerge júgirdim. Ot laýlap janyp jatyr eken. Bireýi oiandy, bireýi oianbady. Meniń balam bir balasyn alyp shyqty. Egizdiń syńaryn alyp shyqty", - dedi kórshisi Qanaiym Júnisova.
Eske salaiyq, búgin jeke úidegi órt saldarynan 12 adam qaza tapty, toǵyzy - balalar. Málimetke súiensek, órtten qaza tapqan marqumdar - bir áýlettiń músheleri.
