تۇركىستان وبلىسى جەتىساي اۋدانىندا ءورت 12 ادامنىڭ ءومىرىن قيدى. كورشىلەرى وقيعا قالاي بولعانىن ايتتى، دەپ حابارلايدى Dalanews.kz otyrar.kz-كە سىلتەپ.
"تاڭعى ساعات 5:05-تە كوردىم. كەلىنشەگى "اپا، قۇتقارىڭدارشى" دەپ ايقايلاپ تۇر ەكەن. ول كەلىنشەك ۋلانىپ قالعان. سىرتقا شىعا الماي تۇردى. كورشىلەرگە جۇگىردىم. وت لاۋلاپ جانىپ جاتىر ەكەن. بىرەۋى وياندى، بىرەۋى ويانبادى. مەنىڭ بالام ءبىر بالاسىن الىپ شىقتى. ەگىزدىڭ سىڭارىن الىپ شىقتى"، - دەدى كورشىسى قانايىم ءجۇنىسوۆا.
ەسكە سالايىق، بۇگىن جەكە ۇيدەگى ءورت سالدارىنان 12 ادام قازا تاپتى، توعىزى - بالالار. مالىمەتكە سۇيەنسەك، ورتتەن قازا تاپقان مارقۇمدار - ءبىر اۋلەتتىڭ مۇشەلەرى.
