2025 jyldyń qazan aiynyń qorytyndysy boiynsha Qazaqstanda taýarlar men qyzmetterdiń baǵasy 12,6 paiyzǵa ósti. Mundai jalpy qymbatshylyq aiasynda jyljymaityn múlik naryǵynda da baǵa ósimi baiqalady, dep habarlaidy Dalanews.kz.
Mundai derekterdi Ranking jariialady. Basylymnyń málimetinshe, qazan aiynda jańa turǵyn úilerdiń baǵasy 13,1 paiyzǵa, al ekinshi naryqtaǵy baspananyń quny 11,6 paiyzǵa kóterilgen. Jýrnal tórt negizgi sebepti keltiredi.
QQS-tiń ósýi jáne naryq kútýleri
QQS mólsherlemesiniń 16 paiyzǵa deiin kóterilýi baǵa qalyptastyrýǵa yqpal etken basty faktorlardyń biri.
"Qurylys kompaniialary salyqtyń ósýin aldyn ala eskerip, sharshy metr qunyna qosyp jatyr", - dep jazady basylym.
Sáikesinshe, baǵa óse beredi degen kútýmen satyp alýshylar da belsendi bola tústi. Ekinshi naryqtaǵy satýshylar da jańa úilerdiń qymbattaýyna qarap, baǵalaryn kótere bastady.
Suranystyń maýsymdyq artýy
Basylym atap ótkendei, Qazaqstandaǵy turǵyn úi naryǵy árdaiym maýsymdyq ózgeristerge beiim. Jaz ben kúzdiń basynda satyp alý-satý belsendiligi artady, sebebi kóptegen azamat jyl sońyna deiin mámileni aiaqtaýǵa tyrysady. Bul kezeńde qurylys kompaniialary da jańa jobalardy kóbirek iske qosady. Osy faktorlar suranysty tabiǵi túrde ósirip, baǵanyń kóterilýine áser etedi.
