Atyraýda túngi ýaqytta quqyq buzǵan birneshe adamnyń kóligi arnaiy turaqqa qoiyldy, dep habarlaidy dalanews.kz.
Túngi ýaqytta qoǵamdyq tártip pen tynyshtyqty saqtaý, sondai-aq, jol qozǵalysy qaýipsizdigin qamtamasyz etý baǵytyndaǵy jumystar júrgizilip jatyr.
Patrýldik politsiia qyzmetkerleri bir táýlik ishinde túrli quqyqbuzýshylyqqa jol bergen 4 kólikti anyqtap, arnaiy turaqqa qoiǵan.
"Qala aýmaǵynda Lada Priora markaly kólikti basqarǵan 2006 jyly týǵan turǵyn túngi ýaqytta kóliginde mýzykany qatty qoiyp, ainalasyndaǵylarǵa kedergi keltirip, turǵyndardyń tynyshtyǵyn buzǵan. Bul derek boiynsha oǵan QR ÁQBtK-niń 437-baby ("Tynyshtyqty buzý") boiynsha ákimshilik hattama rásimdelip, aiyppul salyndy", - dedi Atyraý PD ókili.
Sonymen qatar, túngi ýaqytta túrli quqyqbuzýshylyq jasaǵan ózge de júrgizýshiler anyqtalyp, olarǵa zańnamaǵa sáikes tiisti sharalar qabyldanǵan.
