اتىراۋدا تٷنگٸ ۋاقىتتا قۇقىق بۇزعان بٸرنەشە ادامنىڭ كٶلٸگٸ ارنايى تۇراققا قويىلدى, دەپ حابارلايدى dalanews.kz.
تٷنگٸ ۋاقىتتا قوعامدىق تەرتٸپ پەن تىنىشتىقتى ساقتاۋ, سونداي-اق, جول قوزعالىسى قاۋٸپسٸزدٸگٸن قامتاماسىز ەتۋ باعىتىنداعى جۇمىستار جٷرگٸزٸلٸپ جاتىر.
پاترۋلدٸك پوليتسييا قىزمەتكەرلەرٸ بٸر تەۋلٸك ٸشٸندە تٷرلٸ قۇقىقبۇزۋشىلىققا جول بەرگەن 4 كٶلٸكتٸ انىقتاپ, ارنايى تۇراققا قويعان.
"قالا اۋماعىندا Lada Priora ماركالى كٶلٸكتٸ باسقارعان 2006 جىلى تۋعان تۇرعىن تٷنگٸ ۋاقىتتا كٶلٸگٸندە مۋزىكانى قاتتى قويىپ, اينالاسىنداعىلارعا كەدەرگٸ كەلتٸرٸپ, تۇرعىنداردىڭ تىنىشتىعىن بۇزعان. بۇل دەرەك بويىنشا وعان قر ەقبتك-نٸڭ 437-بابى ("تىنىشتىقتى بۇزۋ") بويىنشا ەكٸمشٸلٸك حاتتاما رەسٸمدەلٸپ, ايىپپۇل سالىندى", - دەدٸ اتىراۋ پد ٶكٸلٸ.
سونىمەن قاتار, تٷنگٸ ۋاقىتتا تٷرلٸ قۇقىقبۇزۋشىلىق جاساعان ٶزگە دە جٷرگٸزۋشٸلەر انىقتالىپ, ولارعا زاڭناماعا سەيكەس تيٸستٸ شارالار قابىلدانعان.
