Almaty turǵyndary osy aptada úsh kún jaryqsyz qalýy múmkin. «Alataý Jaryq Kompaniiasy» jóndeý jumystaryna bailanysty josparly jumys bolatyny týraly aqparat taratty, - dep habarlaidy Dalanews.kz
«Alataý Jaryq Kompaniiasynyń» habarlaýynsha, Almatyda elektr qýaty 2025 jyldyń 18-21 qarasha aralyǵynda ýaqytsha óshiriledi. Jóndeý jumystary megapolistiń barlyq aýdandyq elektr jelilerine (AEJ) áser etedi. Tolyq aqparat kompaniia jariialaǵan kestede kórsetilgen.
Óshirý jumysy kóbinese saǵat 08:00–09:00 aralyǵynan bastap 17:00-ge deiin júrgizilmekshi. Kompaniia mamandary ýaqytsha shekteýler anyqtalǵan aqaýlardy joiý, tehnikalyq jumystardy júrgizý, sondai-aq, transformatorlyq qosalqy stantsiialarǵa josparly qyzmet kórsetý úshin qajet ekenin atap ótti.
Qala turǵyndaryna óz is-qimyldaryn aldyn ala josparlap, ýaqytsha qolaisyzdyqtarǵa daiyn bolýǵa keńes beremiz.
