Алматы тұрғындары осы аптада үш күн жарықсыз қалуы мүмкін. «Алатау Жарық Компаниясы» жөндеу жұмыстарына байланысты жоспарлы жұмыс болатыны туралы ақпарат таратты, - деп хабарлайды Dalanews.kz
«Алатау Жарық Компаниясының» хабарлауынша, Алматыда электр қуаты 2025 жылдың 18-21 қараша аралығында уақытша өшіріледі. Жөндеу жұмыстары мегаполистің барлық аудандық электр желілеріне (АЭЖ) әсер етеді. Толық ақпарат компания жариялаған кестеде көрсетілген.
Өшіру жұмысы көбінесе сағат 08:00–09:00 аралығынан бастап 17:00-ге дейін жүргізілмекші. Компания мамандары уақытша шектеулер анықталған ақауларды жою, техникалық жұмыстарды жүргізу, сондай-ақ, трансформаторлық қосалқы станцияларға жоспарлы қызмет көрсету үшін қажет екенін атап өтті.
Қала тұрғындарына өз іс-қимылдарын алдын ала жоспарлап, уақытша қолайсыздықтарға дайын болуға кеңес береміз.
