Basyna konditsioner qulap jaralanǵan feldsher kóz jumdy, dep habarlaidy Dalanews.kz.
Marqumnyń kúieýi bul aqparatty Atameken Business arnasyna rastady.
Eske salsaq, Astanada toǵyz qabatty turǵyn úidiń syrtqy kirpish qaptamasy opyrylyp túsip, úsh adam zardap shekken. Ári qarai olarǵa kómekke kelgen eki jedel járdem qyzmetkeri de aýyr jaraqat aldy. Feldsherdiń basyna biikten konditsioner qulap, bári jansaqtaý bóliminen bir-aq shyqty.
Ótken senbide qannen-qapersiz ketip bara jatqan apaly-sińlilerdiń basyna turǵyn úidiń qasbeti qulaǵan. Aýyr jaraqat alǵan ekeý dereý aǵasyna qońyraý shalyp kómekke shaqyrady.
Artynsha jan ushyra jetip kelgen er adam da sapasyz salynǵan qurylystan zardap shekken. Eki jedel járdem qyzmetkerin qosqanda, jalpy sany bes adam aýrýhanaǵa jetkizildi.
Naýqastardyń jaqyndary tótenshe jaǵdai qyzmetkerleri der kezinde kelmedi dep otyr. Alaida qutqarýshylar bul aqparatty joqqa shyǵardy.
Politseiler "Sapasyz salynǵan qurylys" baby boiynsha tergeý bastap, oqiǵanyń mán-jaiyn anyqtaýǵa kiristi.
