Osyǵan deiin Túrkistan áýejaiyn senimgerlik basqarýǵa alý múmkindigin qarastyrǵan Vetnamnyń Sovico Group kompaniiasy jobaǵa qatysýdan resmi túrde bas tartty, dep habarlaidy Dalanews.kz.
Qyzylordadaǵy «Qorqyt-Ata» jáne Túrkistandaǵy «Hazret Sultan» áýejailaryn senimgerlik basqarýǵa berý múmkindigi qarastyrylǵan edi. Bastapqyda Túrkistan áýe ailaǵyn SOVICO Group basqarady dep kútilgen.
Alaida Túrkistan qalasy ákiminiń apparatynda aialǵan kompaniianyń áýejaidy basqarýdan bas tartqany habarlandy.
Kólik ministrligi taratqan málimette ótken jyly investorlar jalpy somasy 150 milliard teńgeden asatyn jeke investitsiialar esebinen infraqurylymdyq jobalardy júzege asyrdy.
«Sońǵy 5 jylda Astana qalasynyń áýejaiy (Kókshetaý filialy) (2025 jyly), Almaty (2020 jyly), Shymkent (2024 jyly), Atyraý (ATMA) (2024 jyly), Qaraǵandy (2023 jyly), Oral (2023 jyly), Petropavl (2022 jyly) áýejailary múddeler teńgerimin saqtai otyryp, investorlardyń basqarýyna berildi», — dep atap ótti vedomstvo.
Ministrliktiń málimetinshe, Qazaqstanda respýblikalyq jáne oblystyq mańyzy bar 20 áýejai jumys isteidi, olardyń ishinde:
10 memlekettik áýejai — Atyraý, Túrkistan, Aqtóbe, Taldyqorǵan, Qyzylorda, Pavlodar, Qostanai, Óskemen, Semei, Balqash;
5 áýejai senimgerlik basqarýda — Astana, Shymkent, Aqtaý, Kókshetaý, Petropavl;
5 jeke áýejai — Almaty, Taraz, Qaraǵandy, Oral, Jezqazǵan.
