Almatylyq «Qairat» Liga chempiondarynyń jalpy kezeńindegi qalǵan oiyndaryn Astanada ótkizedi, dep habarlaidy Dalanews.kz
"Qairat" klýbynyń resmi habarlamasynda 9 jeltoqsan jáne 20 qańtardaǵy oiyndar Almatynyń aýa raiyna bailanysty Astana qalasynda «Astana Arenada» ótetini aitylǵan.
Sheshim UEFA-men birlesip qabyldanǵan.
«Almatydaǵy Ortalyq stadionda qysta oiyn ótkizý tájiribesi kórsetkendei, tómen temperatýra, shatyrdyń joqtyǵy jáne qar jaýý qaýpi jankúierler úshin jaǵdaidy aitarlyqtai qiyndatyp, alańdy kútýge kedergi keltiredi. Kórermenderdiń jaily jáne qaýipsiz bolýyn qamtamasyz etý úshin oiyndar jabyq stadionda ótkiziletin bolyp sheshildi», – delingen habarlamada.
