Áleýmettik taýarlar baǵasyn negizsiz kótergen satýshylarǵa 50,8 mln teńgege jýyq aıyppul salyndy, dep habarlaıdy Dalanews.kz.

Saýda jáne ıntegrasıa mınıstrligi málimetinshe, máselen Batys Qazaqstan oblysynda "Juldyz" jeke kásipkerligi "Ileskaıa" tuzyn kelisin 55 teńgeden satyp alyp, 90 teńgeden satqan. Saýda ústemesi - 63,6 paıyz.

"Ulytaý oblysynda jeke kásipker "Shedevr" kúnbaǵys maıyn (1 l) 1100 teńgeden satqan, saýda ústemesi 22,22 paıyzǵa jetken. Qostanaı oblysynda jeke kásipker pıazdyń kelisin 150 teńgeden satqan, saýda ústemesi - 50 paıyz", - dep jazylǵan mınıstrlik habarlamasynda.

Bul derekter boıynsha kásipkerlerge Qazaqstan Respýblıkasynyń Ákimshilik quqyqbuzýshylyq týraly kodeksiniń 204-4-babyna sáıkes ákimshilik sharalar qoldanylǵan.