Premer-ministr Oljas Bektenov ótkizgen jiynda bilim berý salasyn qarjylandyrýǵa qatysty máseleler qaraldy, dep habarlaidy Dalanews.kz.
Jekemenshik mektepterdi qarjylandyrýdyń jańa tetikterin engizýge nazar aýdaryldy. Buǵan deiin premer-ministrdiń tapsyrmasymen "Qarjy ortalyǵy" AQ Oqý-aǵartý ministrliginen Qarjy ministrliginiń qaramaǵyna berilgen bolatyn.
Qarjy ministri Mádi Takiev osy saladaǵy ashyqtyqty qamtamasyz etý boiynsha atqarylǵan jumystar týraly esep berdi. Biyl qarashada e-Qazyna.kz veb-portalynda OrtaBilim aqparattyq qyzmeti iske qosyldy. Júie bilim alýshylardyń sany men kontingentin, ruqsat qujattarynyń bolýyn jáne basqa da aqparatty avtomatty tekserý arqyly derekterdiń durystyǵyn baqylaýdy kúsheitýge baǵyttalǵan.
Qarjy ministrligi memlekettik tapsyrys alatyn jekemenshik mektepterdi qarjylandyrýda óreskel zańbuzýshylyqtardy anyqtaǵan.
"745 mekemeniń 155-i alǵan kirisin kórsetpegen. Tsifrlandyrylǵan 427 mekteptiń shamamen 30%-y óz qyzmet túri boiynsha bekitilgen maqsattaryna sai emes. Máselen Túrkistan oblysynyń Maqtaaral aýdanyndaǵy mektepterdiń biri toihana retinde, Shymkentte saýda ortalyǵy jáne taǵy basqa dep kórsetilgen.
64 mektepte bilim alýshylar kontingenti jobalyq qýatynan 2 ese artyq. Mysaly, Almaty oblysynda ornalasqan jobalyq qýaty 60 adamǵa eseptelgen jekemenshik mektepterdiń birine is júzinde 702 oqýshy qabyldanǵan", - dep jazylǵan habarlamada.
Astana qalasyndaǵy 241 oqýshyǵa arnalǵan jekemenshik mekteptiń qujattarynda 1003 adam kórsetilgen. Sonymen qatar, jekemenshik mektepterde jalǵan muǵalimder men qosarlanǵan qarjylandyrý derekteri anyqtaldy.
"Júrgizilgen tekseris jumystary jekemenshik mektepterdi qarjylandyrý máselelerinde kóptegen zańbuzýshylyqty anyqtady. Shyndyǵynda, biz memlekettiń joq oqýshylar úshin jii aqsha tóleitinin kórip otymyz. Bul naryqta tutastai zańsyz indýstriia qalyptasty. Oqý-aǵartý ministrligi men Qarjy ministrligi kelesi qarjylandyrý jylynan bastap bul salada tolyqtai tártip ornatýy kerek. Birde-bir memlekettik teńge sheneýnikterdiń qaltasyna túsip, ysyrap etilmeýge tiis", - dedi Bektenov.
