Úkimet basshysy aldymen Keles» JShS-niń plenka jáne kóshet qondyrýǵa arnalǵan ydys shyǵaratyn óndiristik tsehynda boldy. Jobanyń jalpy quny 150 mln. teńgeni qurasa, onyń 23 mln. teńgesi nesiege alynǵan. Iske qosylǵanyna bir-aq ai bolǵan tsehta jylyjaiǵa arnalǵan jabdyqtar shyǵarylady.
«KelesPlast» JShS direktory N. Omarov Premer-Pinistrdi óndiris protsesimen tanystyryp, ónimder suryptalymyn – sońǵy shyqqan óńdeý tehnologiialarynyń kómegimen paidalanylǵan materialdardan jasalǵan jipter men polietilendi jabyndardy kórsetti. Onyń aitýynsha, shikizat sharýashylyq sýbektilerinen satyp alynady, al daiyn ónimder aýyl sharýashylyǵynyń ár túrli salalarynda qoldanylady jáne ishki naryq qajettilikteriniń 100 paiyz qamtidy. Budan ózge, qaldyqtar men polietilendi qaita óńdeý aýdannyń ekologiiasyna oń áser etedi.
Búginde oblystaǵy jylyjaidyń jalpy kólemi 1 325 gektardy quraidy. Onyń 95,5 gektary ónerkásiptik, 1229,1 gektary fermerlik jylyjai sanalady. Qazirgi tańda elimizdegi barlyq jylyjailardyń 80 paiyzy Ońtústik Qazaqstan oblysyna tiesili. 2017 jyly óńirde 201,7 gektar jańa jylyjai paidalanýǵa berilse, onyń 72 gektary Saryaǵash aýdanynda ornalasqan. Ótken jyly óńirdegi jylyjailardan 174 myń tonna kókónis ónimderi alynǵan. Iaǵni byltyr 104,4 myń tonna qiiar, 69,6 myń tonna qyzanaq óndirilgen. Biyl oblysta jalpy aýdany 214 gektar bolatyn jańa jylyjai keshenderin paidalanýǵa berý josparlanyp otyr.
Saryaǵash aýdanyndaǵy kásiporyndardy tekserý barysynda QR Premer-Ministri Baqytjan Saǵyntaevqa Prezidenttiń tapsyrmalaryn oryndaý aiasynda qabyldanǵan sharalar týraly baiandady. Elbasynyń sońǵy bes jyl ishinde agroónerkásip keshenindegi eńbek ónimdiligin jáne óńdelgen aýyl sharýashylyǵy óniminiń eksportyn kem degende 2,5 esege arttyrý tapsyrmasyn oryndaý maqsatynda jumys eselei túsýdi eskertti.
Úkimet basy sapar barysynda «Saryaǵash jer syiy» JShS-niń tuqymbaǵyna aialdady. Sharýa qojalyǵynyń basshysy Tanabai Shyntasov Baqytjan Saǵyntaevqa sýarmaly eginshilikte jańa tehnologiialardyń qoldanylýy týraly áńgimelep berdi. 2002 jyly qurylǵan bul sharýashylyqtaǵy sýarmaly jer kólemi 96,5 gektardy quraidy. Munda búginde 200 myń dana jemis pen 700 myń dana júzim kósheti jáne elitalyq dekorativtik aǵash kóshetteri ósirilýde. Óndirilgen ónimniń 60 paiyzy ishki naryqty qamtysa, 40 paiyzy Qyrǵyzstan jáne Ózbekstan Respýblikalaryna eksporttalýda. Jylyna 100 mln teńgeginiń ónimin óndiretin qojalyqta 48 adam jumyspen qamtylǵan.
Kezdesý barysynda aýyl sharýashylyǵyn damytýdyń ózekti máseleleri talqylandy. Atap aitqanda, eksporttyq áleýet, sýbsidiialaý, aýyl sharýashylyǵy ónimderin óńdeýge investitsiialar tartý, AÓK-ti tehnologiialyq jańǵyrtý, etti mal sharýashylyǵy men ósimdik sharýashylyǵyn damytý máseleleri qaraldy.
QR Premer-Ministri Baqytjan Saǵyntaev Qazaqstannyń agroónerkásiptik kesheni perspektivalyq bolashaqqa ie ekenin atap ótti. Elimiz kóptegen pozitsiialar boiynsha álemdegi agrarlyq eksporttyq ónimder shyǵaratyn iri óndirýshilerdiń biri bola alady. Osy maqsatta Úkimet barlyq qajetti sharalardy qabyldap jatyr. AÓK damytýdyń memlekettik baǵdarlamasy júzege asyrylyp, veterinariialyq qyzmettiń baǵynyshtylyǵyn qalpyna keltirýdi, biznestiń ǵylymi zertteýlerge qatysýyn yntalandyrýdy, ónim daiyndaý uiymdaryn sýbsidiialaýdy qarastyratyn zań jobasy usynyldy. Qazirgi tańda eksportqa baǵdarlanǵan kásiporyndardyń paidasy úshin sýbsidiialaý saiasaty qaita qaralý ústinde.
Prezidenttiń «Shaǵyn nesie berýdi kóbeitý» atty tórtinshi áleýmettik bastamasy aiasynda agrarlyq qyzmetkerler úshin jańa múmkindikter ashylýda. Shaǵyn nesie berýdi qarjylandyrýǵa 20 mlrd teńge baǵyttaldy. Bul óz biznesin bastaýdy kózdep júrgen azamattarǵa usynylatyn úlken qoldaý bolmaq.
Aýyl sharýashylyǵynyń birinshi vitse-ministri A. Evniev Prezidenttiń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýy men Memleket basshysynyń «Shaǵyn nesie berýdi kóbeitý» tórtinshi áleýmettik bastamasyn iske asyrý barysy men fermerlerdiń múmkindikteri týraly baiandady.
Sondai-aq, talqylaý barysynda «Ordabasy qus» JShS direktory M. Taǵaev, «Saryaǵash jer syiy» JShS direktory T. Shyńtasov, «Nuraly jol» sharýa qojalyǵynyń tóraǵasy E. Eraliev, Jylyjailar qaýymdastyǵynyń tóraǵasy M. Snabaev óz pikirlerin bildirdi.
Kezdesý barysynda aitylǵan usynystardy Aýyl sharýashylyǵy ministrligi men tiisti memlekettik organdar egjei-tegjeili qarastyratyn bolady.
Munan soń, Úkimet basshysy «Jibek joly» keden beketiniń jumysymen tanysty. Beket kúnine 25 myńǵa jýyq jolaýshy men 100-ge jýyq transportty ótkizýge qaýqarly. Keden beketinde kelýshiler úshin barlyq jaǵdai jasalǵan. Oblys ortalyǵynan 105 shaqyrym qashyqtyqta ornalasqan bekette búginde 65 adam jumys isteidi.
OQO ákiminiń baspasóz qyzmeti
https://dalanews.kz/34777
