Nysandy tekserý barysynda QR Premer-Mınıstri Baqytjan Saǵyntaevqa «Shymkent Sity» turǵyn úı kesheni 56 myń turǵynǵa arnap salynyp jatqany aıtyldy. 427 ga aýmaqta 2025 jylǵa deıin 324 turǵyn úı, 7 mektep jáne 21 balabaqsha salynady.
Búginde atalǵan aýmaqta ınjenerlik - komýnıkasıalyq ınfraqurylymnyń, 31 turǵyn úıdiń jáne 1200 oryndyq mekteptiń qurylysy bastalyp ketti. Aǵymdaǵy jyly jalpy aýmaǵy 30,2 myń sharshy metr bolatyn kópqabatty 10 turǵyn úı paıdalanýǵa berilmek. 9 nysannan turatyn kóp qabatty 21 úı jáne 1 mekteptiń qurylysy 2019 jylǵa ótpeli.
Sondaı-aq, «Elbasynyń bes áleýmettik bastamasy» atty halyqqa úndeýinde kórsetilgen «7-20-25» baǵdarlamasy sheńberinde oblysta jalpy aýmaǵy 438,1 myń sharshy metrdi quraıtyn kópqabatty 104 turǵyn úıdiń (5141 páter) qurylysy bastaldy. Jyldyń sońyna deıin jalpy aýmaǵy 68,1 myń sharshy metr bolatyn kópqabatty 16 úı (685 páter) paıdalanýǵa beriledi dep josparlanýda.
Úndeýde kórsetilgen «7-20-25» baǵdarlamasy joǵaryda atalǵan máselelerdiń oń sheshilýine, turǵyn úıge degen suranystyń artýyna, árbir otbasyna baspana alýǵaóz yqpalyn tıgizetini anyq. Osyǵan baılanysty jeke salýshylar arqyly salynyp jatqan 104 turǵyn úılerdiń jáne «Ońtústik ÁKK» AQ-y arqyly salynǵan úılerdiń 20%-y (óz úlesi) úıleriniń tapsyrý qarqyny joǵarylap, sonymen qatar satylýy ońaılanyp otyr deıdi mamandar.
Bıyl óńirde «Nurly jer» baǵdarlamasy aıasynda jalpy aýmaǵy 730 myń sharshy metr bolatyn, 6615 páterdi el ıgiligine tapsyrý josparlanyp otyr. Qazirgi tańda 236 kópqabatty úıdiń qurylysy júrgizilýde.
OQO ákiminiń baspasóz qyzmeti
