نىساندى تەكسەرۋ بارىسىندا ق ر پرەمەر-مينيسترى باقىتجان ساعىنتايەۆقا «Shymkent سity» تۇرعىن ءۇي كەشەنى 56 مىڭ تۇرعىنعا ارناپ سالىنىپ جاتقانى ايتىلدى. 427 گا اۋماقتا 2025 جىلعا دەيىن 324 تۇرعىن ءۇي، 7 مەكتەپ جانە 21 بالاباقشا سالىنادى.
بۇگىندە اتالعان اۋماقتا ينجەنەرلىك - كوممۋنيكاسيالىق ينفراقۇرىلىمنىڭ، 31 تۇرعىن ءۇيدىڭ جانە 1200 ورىندىق مەكتەپتىڭ قۇرىلىسى باستالىپ كەتتى. اعىمداعى جىلى جالپى اۋماعى 30،2 مىڭ شارشى مەتر بولاتىن كوپقاباتتى 10 تۇرعىن ءۇي پايدالانۋعا بەرىلمەك. 9 نىساننان تۇراتىن كوپ قاباتتى 21 ءۇي جانە 1 مەكتەپتىڭ قۇرىلىسى 2019 جىلعا وتپەلى.
سونداي-اق، «ەلباسىنىڭ بەس الەۋمەتتىك باستاماسى» اتتى حالىققا ۇندەۋىندە كورسەتىلگەن «7-20-25» باعدارلاماسى شەڭبەرىندە وبلىستا جالپى اۋماعى 438،1 مىڭ شارشى مەتردى قۇرايتىن كوپقاباتتى 104 تۇرعىن ءۇيدىڭ (5141 پاتەر) قۇرىلىسى باستالدى. جىلدىڭ سوڭىنا دەيىن جالپى اۋماعى 68،1 مىڭ شارشى مەتر بولاتىن كوپقاباتتى 16 ءۇي (685 پاتەر) پايدالانۋعا بەرىلەدى دەپ جوسپارلانۋدا.
ۇندەۋدە كورسەتىلگەن «7-20-25» باعدارلاماسى جوعارىدا اتالعان ماسەلەلەردىڭ وڭ شەشىلۋىنە، تۇرعىن ۇيگە دەگەن سۇرانىستىڭ ارتۋىنا، ءاربىر وتباسىنا باسپانا ءالۋعاوز ىقپالىن تيگىزەتىنى انىق. وسىعان بايلانىستى جەكە سالۋشىلار ارقىلى سالىنىپ جاتقان 104 تۇرعىن ۇيلەردىڭ جانە «وڭتۇستىك اكك» اق-ى ارقىلى سالىنعان ۇيلەردىڭ 20%-ى (ءوز ۇلەسى) ۇيلەرىنىڭ تاپسىرۋ قارقىنى جوعارىلاپ، سونىمەن قاتار ساتىلۋى وڭايلانىپ وتىر دەيدى ماماندار.
بيىل وڭىردە «نۇرلى جەر» باعدارلاماسى اياسىندا جالپى اۋماعى 730 مىڭ شارشى مەتر بولاتىن، 6615 پاتەردى ەل يگىلىگىنە تاپسىرۋ جوسپارلانىپ وتىر. قازىرگى تاڭدا 236 كوپقاباتتى ءۇيدىڭ قۇرىلىسى جۇرگىزىلۋدە.
وقو اكىمىنىڭ باسپا ءسوز قىزمەتى
