Bolat shyǵarýmen ainalysatyn kásiporynnyń qurylysy 2017 jyly bastalǵan. Aǵymdaǵy jyldyń sáýir aiynda iske qosylatyn jobaǵa 5,94 mlrd. teńge investitsiia tartylǵan. Jylyna 250 myń tonna ónim shyǵarýǵa qaýqarly kásiporyn iske qosylǵanda 600 azamat jumyspen qamtylmaq. Jospar boiynsha daiyn ónim Orta Aziia elderine eksporttalatyn bolady. Joba indýstrialdy-inovatsiialyq damý baǵdarlamasy aiasynda iske asyrylýda.
Budan bólek, Úkimet basshysyna oblys ákiminiń orynbasary Baýyrjan Jamalov aqparattyq stend arqyly 2018 jyly Indýstriialandyrý karta aiasynda iske asyrylyp jatqan 20 jobany tanystyryp ótti.
Jalpy ońtústikte 2015-2019 jyldarǵa arnalǵan indýstrialdy-inovatsiialyq damý baǵdarlamasy aiasynda quny 1,3 trln. teńgeni quraityn 137 joba júzege asyrylatyn bolady. Nátijesinde 18 myńnan astam jańa jumys oryndary ashylady dep kútilýde.
Zaýyttyń tehnologiialyq protsesteri týraly aitqan kásiporynnyń bas direktory Baýyrjan Álteev munda taýar tasymaldaýǵa arnalǵan temirjol relsteri tartylǵanyn atap ótti. Odan bólek, qýaty 63 MVt tartatyn elektr stantsiia salynǵanyn, endi birer kúnde gaz qubyry men aýyz sýmen qamtylatyn jetkizdi.
Sondai-aq 2019 jyldyń sońyna qarai óndiristik qýattylyqty 500 myń tonnaǵa deiin arttyrý josparlanyp otyr.
Bul óndiris oshaǵy Qazaqstannyń ońtústik aimaǵyndaǵy bolat súlgilerin shyǵaratyn iri óndiris orny bolyp sanalady. Munda 40 tonnalyq indýktsiialyq peshter men 3 qolmen basqarylatyn úzilissiz bolat quiatyn qondyrǵy ornatylǵan. Kásiporyn ónimderi tolyǵymen esportqa shyǵarylady.
OQO ákiminiń baspasóz qyzmeti
https://dalanews.kz/34996
