بولات شىعارۋمەن اينالىساتىن كەسٸپورىننىڭ قۇرىلىسى 2017 جىلى باستالعان. اعىمداعى جىلدىڭ سەۋٸر ايىندا ٸسكە قوسىلاتىن جوباعا 5,94 ملرد. تەڭگە ينۆەستيتسييا تارتىلعان. جىلىنا 250 مىڭ توننا ٶنٸم شىعارۋعا قاۋقارلى كەسٸپورىن ٸسكە قوسىلعاندا 600 ازامات جۇمىسپەن قامتىلماق. جوسپار بويىنشا دايىن ٶنٸم ورتا ازييا ەلدەرٸنە ەكسپورتتالاتىن بولادى. جوبا يندۋستريالدى-ينوۆاتسييالىق دامۋ باعدارلاماسى اياسىندا ٸسكە اسىرىلۋدا.
بۇدان بٶلەك, ٷكٸمەت باسشىسىنا وبلىس ەكٸمٸنٸڭ ورىنباسارى باۋىرجان جامالوۆ اقپاراتتىق ستەند ارقىلى 2018 جىلى يندۋسترييالاندىرۋ كارتا اياسىندا ٸسكە اسىرىلىپ جاتقان 20 جوبانى تانىستىرىپ ٶتتٸ.
جالپى وڭتٷستٸكتە 2015-2019 جىلدارعا ارنالعان يندۋستريالدى-ينوۆاتسييالىق دامۋ باعدارلاماسى اياسىندا قۇنى 1,3 ترلن. تەڭگەنٸ قۇرايتىن 137 جوبا جٷزەگە اسىرىلاتىن بولادى. نەتيجەسٸندە 18 مىڭنان استام جاڭا جۇمىس ورىندارى اشىلادى دەپ كٷتٸلۋدە.
زاۋىتتىڭ تەحنولوگييالىق پروتسەستەرٸ تۋرالى ايتقان كەسٸپورىننىڭ باس ديرەكتورى باۋىرجان ەلتەەۆ مۇندا تاۋار تاسىمالداۋعا ارنالعان تەمٸرجول رەلستەرٸ تارتىلعانىن اتاپ ٶتتٸ. ودان بٶلەك, قۋاتى 63 مۆت تارتاتىن ەلەكتر ستانتسييا سالىنعانىن, ەندٸ بٸرەر كٷندە گاز قۇبىرى مەن اۋىز سۋمەن قامتىلاتىن جەتكٸزدٸ.
سونداي-اق 2019 جىلدىڭ سوڭىنا قاراي ٶندٸرٸستٸك قۋاتتىلىقتى 500 مىڭ تونناعا دەيٸن ارتتىرۋ جوسپارلانىپ وتىر.
بۇل ٶندٸرٸس وشاعى قازاقستاننىڭ وڭتٷستٸك ايماعىنداعى بولات سٷلگٸلەرٸن شىعاراتىن ٸرٸ ٶندٸرٸس ورنى بولىپ سانالادى. مۇندا 40 توننالىق يندۋكتسييالىق پەشتەر مەن 3 قولمەن باسقارىلاتىن ٷزٸلٸسسٸز بولات قۇياتىن قوندىرعى ورناتىلعان. كەسٸپورىن ٶنٸمدەرٸ تولىعىمەن ەسپورتقا شىعارىلادى.
وقو ەكٸمٸنٸڭ باسپاسٶز قىزمەتٸ
https://dalanews.kz/34996
