Aimaq basshysy aitpaqshy bul oqýshylar elimizdiń asyl armany men úkili úmitteri. Rasynda kezdesýge kelgen 93 oqýshy óz qatarlastarynyń aldy bolyp, bilim básekelerinde top jaryp júrgen órender.
Biylǵy jyly oblysymyzdyń daryndy oqýshylary Qazaqstan, Resei, Braziliia, Ońtústik Koreia memleketterinde ótken Halyqaralyq olimpiadalarǵa, ǵylymi jarystarǵa qatysyp 46-sy júldeli oryndardy ielendi. Sonyń úsheýi altyn, 8-i kúmis, qalǵany qola júlde.
Respýblikalyq pándik olimpiadalar men ǵylymi joba konkýrstaryna, Prezidenttik olimpiadaǵa qatysyp 22 oqýshy jeńimpaz atandy (Altyn medal - 3, kúmis medal – 5, qola medal - 14).
Biylǵy jyly Halyqaralyq, respýblikalyq olimpiadalar men ǵylymi jarystarǵa qatysqan oqýshylardyń 57-i UBT-den bosatyldy. Byltyrǵy oqý jylynda Sankt-Peterbýrg memlekettik ósimdik polimerleri tehnologiialyq ýniversiteti, Moskva ulttyq tehnologiialyq zertteý ýniversitetterinde oblysymyzdyń 107 balasy Resei federatsiiasy biýdjeti esebinen oqytylyp jatsa, oblys ákiminiń granty boiynsha 240 bala bilimderin shyńdaýda.
- Munyń bári – oblys kóleminde daryndy balalarǵa degen qamqorlyqtyń jáne Sizderdiń, ustazdaryńyz ben ata-analaryńyzdyń eńbekteriniń jemisi dep bilemin. Elimizdiń ǵylymi áleýetin kóterip, halyqaralyq deńgeide Qazaq eliniń ǵylymdaǵy mereiin asqaqtata dep senim bildiremin. Qazaqta «Bilekti – birdi, bilimdi - myńdy jyǵar» degen ataly sóz bar. Búgingi kúni, Sizder, sol ataly ustanymnyń údesinen shyǵyp, túrli bilim básekelerinde qatarlaryńyzdan oza shaýyp, el abyroiyn asqaqtatýyna shyn júrekten tilektespin, - dedi oblys ákimi Q.Kósherbaev.
Jalpy, kezdesý erkin formatta ótti. Oqýshylar aimaq basshysyna kókeilerinde júrgen suraqtaryn qoidy. Tipti óńirdiń damýyna bailanysty qandai mamandyq tańdaý qajet dep keńeste surady. Barlyq saýaldy oblys basshysy jaýapsyz qaldyrǵan joq. Oqýshylar óner de kórsetti.
Kezdesý sońynda barlyq oqýshyǵa arnaiy syilyqtar tabys etildi.
Zeinolla Abajanov
