Serikbol Qondybai zertteýindegi ulttyq rýhani muralar
Qyzylordada «Serikbol Qondybai zertteýlerindegi ulttyq rýhani muralardy jańasha paiymdaý máseleleri» atty respýblikalyq ǵylymi-tájiribelik konferentsiiasy ótti. Oǵan oblys ákimi Q.Kósherbaev, S.Qondybaidyń eńbegin zertteýshi ǵalymdar qatysty.
Serikbol Qondybai bar bolǵany 36 jyl ómir súrse de qazaq halqynyń tarihi sanasyn qalyptastyrýda biik maqsat, ulttyq múdde ACD_5823turǵysynan qyrýar jumys tyndyrǵan azamat. Sondyqtan da, onyń ǵylymǵa, mádeni tarihymyzǵa qosqan zertteýleri joǵary baǵaǵa ie. Airyqsha aita keterligi, Serikbol Qondybai ózine deiingi ǵalymdardyń tisi bata qoimaǵan osy qiyn da kúrdeli, tereń de aýqymdy máselege taisalmai qalam tartty. Jas ǵalymnyń qazaq mifologiiasynyń tabiǵatyn ashý maqsatynda ony tildiń qurylymy turǵysynan zertteýdegi, ataýlar men esimderdiń mifologiialyq astary men mazmunyn tanýdaǵy eńbegi óziniń joǵary baǵasyn ala bildi. Búgingi basqosýdy osy másele keńinen sóz boldy.
- Serikbol Qondybai qazaq mifologiiasynyń arhetipterin zerttep, tereń mádeni-tanymdyq jáne etnografiialyq tujyrymdar jasady. Ǵylymi qaýymdastyq Serikboldyń osynaý júieli izdenisterin qazaqtyń mádeniettaný salasyndaǵy jańashyl baǵyt retinde moiyndady. Osy rette, ómir joly eli men jerin, halqyn sheksiz súiýdiń shynaiy úlgisindei bolǵan Serikbol Qondybaidyń mol murasyn jariialaýǵa jáne esimin ulyqtaýǵa baǵyttalǵan resmi sharalar qolǵa alynyp, júieli jalǵasyn taba beretin bolady, - dedi oblys ákimi Q.Kósherbaev.
Serikbol Qondybaidyń 16 tomdyq tolyq shyǵarmalar jinaǵy, «Estetika landshaftov Mangistaý», «Esen-qazaq», «Mańǵystaýnama» atty kitaptary jáne orys tiline aýdarylǵan 4 tomdyq «Arǵy qazaq mifologiiasy», «Giperboreia: tús kórgen zaman shejiresi» jáne «Qazaq dalasy jáne german táńirleri» atty irgeli eńbekteri bar. – S.Qondybaidy Qazaq jáne qoǵamtanýdyń brendi desek bolady. Ol mifologiia sózdiginiń alǵashqy nusqasyn jasady. Ómiriniń sońǵy toǵyz jylyn Shetpe aýylynda ótkizdi. Iaǵni densaýlyǵyna bailanysty. Ǵylymi ortadan tys júrgenine qaramastan artyna úlken mura qaldyra bildi. Biz ony baǵalai bilýimiz kerek, - dedi A.Baitursynov atyndaǵy Til bilimi institýtynyń jetekshi ǵylymi qyzmetkeri, filologiia ǵylymdarynyń doqtory Ánes Ǵarifýlla.
ACD_5873Sondai-aq, Konferentsiiada Q.Jubanov atyndaǵy Aqtóbe óńirlik ýniversitetiniń professory Nietjan Berikuly «Serikboldyń qazaq dili men tili týraly keibir kózqarastary» taqyrybynda, Qorqyt ata atyndaǵy Qyzylorda memlekettik ýniversiteti Filosofiia jáne mádeniettaný kafedrasynyń meńgerýshisi, filosofiia ǵylymdarynyń kandidaty Ońǵar Bermahanov «Serikbol Qondybaidyń mifologiialyq álemi» taqyryby boiynsha, Qazaq mifologiiasy, mádenieti men dástúrli mýzykasy saitynyń moderatory, filosofiia ǵylymdarynyń kandidaty Zira Naýryzbaeva «Solnechnyi geroi kazahskoi mifologii» taqyryby boiynsha, Qorqyt ata atyndaǵy QMÝ Qazaq tili men ádebieti jáne jýrnalistika kafedrasynyń meńgerýshisi, filologiia ǵylymdarynyń kandidaty Ǵabit Tuiaqbaev «Qazaq folklory – sheteldik zertteýlerde» taqyrybynda, Mańǵystaý oblysy, Munaily aýdany ákiminiń keńesshisi Balsulý Qondybai «Serikboltaný jolyndaǵy qyzmetter» taqyryby boiynsha baiandama jasap, ólketanýshy, geograf, pýblitsist-ǵalymnyń artynda qalǵan mol murasyna jan-jaqty taldaý jasady.
Serikbol Qondybaidyń «Mańǵystaý geografiiasy» atty eńbegi oqýlyq retinde Mańǵystaý oblysy mektepteriniń oqý baǵdarlamasyna engizilgen. Basqosýda ǵalymdar osy sekildi jumystardy aldaǵy ýaqytta jalǵastyrý qajettigin aityp, tarqasty.
