سەرٸكبول قوندىباي زەرتتەۋٸندەگٸ ۇلتتىق رۋحاني مۇرالار
قىزىلوردادا «سەرٸكبول قوندىباي زەرتتەۋلەرٸندەگٸ ۇلتتىق رۋحاني مۇرالاردى جاڭاشا پايىمداۋ مەسەلەلەرٸ» اتتى رەسپۋبليكالىق عىلىمي-تەجٸريبەلٸك كونفەرەنتسيياسى ٶتتٸ. وعان وبلىس ەكٸمٸ ق.كٶشەرباەۆ, س.قوندىبايدىڭ ەڭبەگٸن زەرتتەۋشٸ عالىمدار قاتىستى.
سەرٸكبول قوندىباي بار بولعانى 36 جىل ٶمٸر سٷرسە دە قازاق حالقىنىڭ تاريحي ساناسىن قالىپتاستىرۋدا بيٸك ماقسات, ۇلتتىق مٷددە ACD_5823تۇرعىسىنان قىرۋار جۇمىس تىندىرعان ازامات. سوندىقتان دا, ونىڭ عىلىمعا, مەدەني تاريحىمىزعا قوسقان زەرتتەۋلەرٸ جوعارى باعاعا يە. ايرىقشا ايتا كەتەرلٸگٸ, سەرٸكبول قوندىباي ٶزٸنە دەيٸنگٸ عالىمداردىڭ تٸسٸ باتا قويماعان وسى قيىن دا كٷردەلٸ, تەرەڭ دە اۋقىمدى مەسەلەگە تايسالماي قالام تارتتى. جاس عالىمنىڭ قازاق ميفولوگيياسىنىڭ تابيعاتىن اشۋ ماقساتىندا ونى تٸلدٸڭ قۇرىلىمى تۇرعىسىنان زەرتتەۋدەگٸ, اتاۋلار مەن ەسٸمدەردٸڭ ميفولوگييالىق استارى مەن مازمۇنىن تانۋداعى ەڭبەگٸ ٶزٸنٸڭ جوعارى باعاسىن الا بٸلدٸ. بٷگٸنگٸ باسقوسۋدى وسى مەسەلە كەڭٸنەن سٶز بولدى.
- سەرٸكبول قوندىباي قازاق ميفولوگيياسىنىڭ ارحەتيپتەرٸن زەرتتەپ, تەرەڭ مەدەني-تانىمدىق جەنە ەتنوگرافييالىق تۇجىرىمدار جاسادى. عىلىمي قاۋىمداستىق سەرٸكبولدىڭ وسىناۋ جٷيەلٸ ٸزدەنٸستەرٸن قازاقتىڭ مەدەنيەتتانۋ سالاسىنداعى جاڭاشىل باعىت رەتٸندە مويىندادى. وسى رەتتە, ٶمٸر جولى ەلٸ مەن جەرٸن, حالقىن شەكسٸز سٷيۋدٸڭ شىنايى ٷلگٸسٸندەي بولعان سەرٸكبول قوندىبايدىڭ مول مۇراسىن جارييالاۋعا جەنە ەسٸمٸن ۇلىقتاۋعا باعىتتالعان رەسمي شارالار قولعا الىنىپ, جٷيەلٸ جالعاسىن تابا بەرەتٸن بولادى, - دەدٸ وبلىس ەكٸمٸ ق.كٶشەرباەۆ.
سەرٸكبول قوندىبايدىڭ 16 تومدىق تولىق شىعارمالار جيناعى, «ەستەتيكا لاندشافتوۆ مانگيستاۋ», «ەسەن-قازاق», «ماڭعىستاۋناما» اتتى كٸتاپتارى جەنە ورىس تٸلٸنە اۋدارىلعان 4 تومدىق «ارعى قازاق ميفولوگيياسى», «گيپەربورەيا: تٷس كٶرگەن زامان شەجٸرەسٸ» جەنە «قازاق دالاسى جەنە گەرمان تەڭٸرلەرٸ» اتتى ٸرگەلٸ ەڭبەكتەرٸ بار. – س.قوندىبايدى قازاق جەنە قوعامتانۋدىڭ برەندٸ دەسەك بولادى. ول ميفولوگييا سٶزدٸگٸنٸڭ العاشقى نۇسقاسىن جاسادى. ٶمٸرٸنٸڭ سوڭعى توعىز جىلىن شەتپە اۋىلىندا ٶتكٸزدٸ. ياعني دەنساۋلىعىنا بايلانىستى. عىلىمي ورتادان تىس جٷرگەنٸنە قاراماستان ارتىنا ٷلكەن مۇرا قالدىرا بٸلدٸ. بٸز ونى باعالاي بٸلۋٸمٸز كەرەك, - دەدٸ ا.بايتۇرسىنوۆ اتىنداعى تٸل بٸلٸمٸ ينستيتۋتىنىڭ جەتەكشٸ عىلىمي قىزمەتكەرٸ, فيلولوگييا عىلىمدارىنىڭ دوقتورى ەنەس عاريفۋللا.
ACD_5873سونداي-اق, كونفەرەنتسييادا ق.جۇبانوۆ اتىنداعى اقتٶبە ٶڭٸرلٸك ۋنيۆەرسيتەتٸنٸڭ پروفەسسورى نيەتجان بەرٸكۇلى «سەرٸكبولدىڭ قازاق دٸلٸ مەن تٸلٸ تۋرالى كەيبٸر كٶزقاراستارى» تاقىرىبىندا, قورقىت اتا اتىنداعى قىزىلوردا مەملەكەتتٸك ۋنيۆەرسيتەتٸ فيلوسوفييا جەنە مەدەنيەتتانۋ كافەدراسىنىڭ مەڭگەرۋشٸسٸ, فيلوسوفييا عىلىمدارىنىڭ كانديداتى وڭعار بەرماحانوۆ «سەرٸكبول قوندىبايدىڭ ميفولوگييالىق ەلەمٸ» تاقىرىبى بويىنشا, قازاق ميفولوگيياسى, مەدەنيەتٸ مەن دەستٷرلٸ مۋزىكاسى سايتىنىڭ مودەراتورى, فيلوسوفييا عىلىمدارىنىڭ كانديداتى زيرا ناۋرىزباەۆا «سولنەچنىي گەروي كازاحسكوي ميفولوگيي» تاقىرىبى بويىنشا, قورقىت اتا اتىنداعى قمۋ قازاق تٸلٸ مەن ەدەبيەتٸ جەنە جۋرناليستيكا كافەدراسىنىڭ مەڭگەرۋشٸسٸ, فيلولوگييا عىلىمدارىنىڭ كانديداتى عابيت تۇياقباەۆ «قازاق فولكلورى – شەتەلدٸك زەرتتەۋلەردە» تاقىرىبىندا, ماڭعىستاۋ وبلىسى, مۇنايلى اۋدانى ەكٸمٸنٸڭ كەڭەسشٸسٸ بالسۇلۋ قوندىباي «سەرٸكبولتانۋ جولىنداعى قىزمەتتەر» تاقىرىبى بويىنشا بايانداما جاساپ, ٶلكەتانۋشى, گەوگراف, پۋبليتسيست-عالىمنىڭ ارتىندا قالعان مول مۇراسىنا جان-جاقتى تالداۋ جاسادى.
سەرٸكبول قوندىبايدىڭ «ماڭعىستاۋ گەوگرافيياسى» اتتى ەڭبەگٸ وقۋلىق رەتٸندە ماڭعىستاۋ وبلىسى مەكتەپتەرٸنٸڭ وقۋ باعدارلاماسىنا ەنگٸزٸلگەن. باسقوسۋدا عالىمدار وسى سەكٸلدٸ جۇمىستاردى الداعى ۋاقىتتا جالعاستىرۋ قاجەتتٸگٸن ايتىپ, تارقاستى.
