Búgin Qazaqstan Respýblikasynyń Prezidenti Qasym-Jomart Toqaev týǵan kúnin atap ótýde. Memleket basshysy 1953 jylǵy 17 mamyrda Almaty qalasynda dúniege kelgen, dep habarlaidy dalanews.kz.
Qasym-Jomart Toqaev – elimizdiń diplomatiia salasynda úlken tájiribe jinaǵan, halyqaralyq deńgeide tanylǵan saiasatkerleriniń biri. Ár jyldary Qazaqstannyń Syrtqy ister ministri, Premer-ministri, Senat tóraǵasy qyzmetterin atqaryp, sondai-aq Birikken Ulttar Uiymynyń qurylymynda jaýapty laýazymdarda eńbek etti.
2019 jyldan beri Qazaqstan Prezidenti retinde eldiń saiasi-ekonomikalyq damý baǵytyn aiqyndap keledi. Onyń bastamasymen aýqymdy saiasi reformalar júzege asyp, Konstitýtsiiaǵa ózgerister engizildi. Sonymen qatar “Ádiletti Qazaqstan” tujyrymdamasy qoǵamdaǵy jańǵyrý úderisteriniń negizgi baǵytyna ainaldy.
Sarapshylar Toqaevtyń basqarý kezeńinde memlekettik basqarý júiesin jańǵyrtýǵa, azamattardyń áleýmettik ál-aýqatyn arttyrýǵa jáne halyqaralyq bailanystardy nyǵaitýǵa basymdyq berilgenin atap ótedi.
Memleket basshysynyń týǵan kúnine orai áleýmettik jelilerde qazaqstandyqtar men qoǵam qairatkerleri jyly lebizderin bildirip, izgi tilekterin joldap jatyr.
