Forýmdy Aqparat jáne qoǵamdyq damý mınıstri Aıda Balaeva, Qazaqstannyń Azamattyq Alánsynyń prezıdenti Baný Nurǵazıeva ashty.
Mınıstr óz sózinde X Azamattyq forýmnyń jumysy Qazaqstan Táýelsizdiginiń 30 jyldyǵynyń qorytyndylaryna arnalǵan mańyzdy oqıǵa ekenin atap ótti. Táýelsizdik tańynda Qazaqstannyń azamattyq sektory ondaǵan ÚEU-dan bastalǵanyn eske sala tura, A.Balaeva búginde elimizdiń bul salasy Ortalyq Azıadaǵy eń damyǵan qoǵamdyq ınstıtýtqa aınalǵanyn aıtty. Máselen, jyl saıyn qazaqstandyq "úshinshi sektordyń" qatary orta eseppen 150 jańa qatysýshyǵa qosylyp keledi.
– Azamattyq forým – bul keıbireýler dáıeksiz aıtatyndaı «ÚEU ókilderiniń deklaratıvti-hattamalyq jıyny» emes, al qoldanbaly ıdeıalar men bastamalar týyndaıtyn, mınıstrler men ákimder azamattyq belsendilermen teń dárejede birlesken is — qımyl josparlaryn jasaıtyn, jekelegen áleýmettik problemalardy sheshýge memleket ÚEU-dy tartatyn naqty jumys prosesi, – dedi mınıstr.
Aıta keteıik, X Azamattyq forým jumysyna tuńǵysh ret Qazaqstannyń EQYU, BUUDB, IýNISEF, Frıdrıh Ebert qory, IýNESKO, IýSAID sıaqty halyqaralyq seriktesteri qatysýda. A.Balaeva olardyń qazaqstandyq azamattyq qoǵamnyń damýyna qosqan eleýli úlesin atap ótti. «Bul mısıalarǵa syndarly dıalog pen qundy usynystar úshin, ózara túsinistik pen qoldaý úshin, adamgershilik pen ashyqtyq tanytqan úshin alǵys aıtqym keledi» dedi ol.
Óz kezeginde, Qazaqstannyń Azamattyq alánsynyń prezıdenti B.Nurǵazıeva Azamattyq forým — qoǵamnyń, bılik pen bıznestiń syndarly dıalogyn quratyn elimizdiń basty alańy ekenin atap ótti. «Búgin Azamattyq Forým jalpyulttyq sıpatqa ıe boldy.
Ol halyq pen bılik arasyndaǵy keri baılanystyń tıimdi mehanızmine aınaldy. Úkimettik emes sektor naqty qoǵamdyq kúshke qalyptasty dep paıymdaýǵa barlyq negiz bar» dedi ol.
X Azamattyq forýmnyń jumysy 22-26 qarasha aralyǵynda Nur-Sultan jáne Almaty qalalarynda 5 kún boıy gıbrıdti: onlaın da, oflaın formatta da ótedi.
Forýmǵa qatysýǵa nıet bildirgenderdiń barlyǵy qatysa alady, tikeleı efır YouTube jáne Facebook áleýmettik jelilerindege arnaıy resmı paraqshalarynda kún saıyn ótkiziledi, ıaǵnı óz suraqtaryn qoıyp, jedel túrde keri baılanys ala alady.
ÚEU men qoǵam, memlekettik organdar men kvazımemlekettik sektor, BAQ jáne bıznes ókilderiniń arasynan 20 myńnan astam qatysýshyny qamtý josparlanýda.
Taǵy oqyńyz:
