Keshe elimizdiń eń ulyq merekesi - Táýelsizdiktiń 30 jyldyǵy qarsańynda «Nur Otan» partiiasy Saiasi keńesiniń keńeitilgen otyrysynyń qorytyndysy boiynsha partiiany endi prezident Qasym-Jomart Toqaev basqaratyny belgili boldy. Bul týraly Elbasynyń baspasóz hatshysy Aidos Úkibai «Atqaratyn laýazymdary men quqyqtaryna qaramastan Nursultan Ábishuly ultymyzdyń kóshbasshysy - Elbasy, qazirgi zamannyń kórnekti saiasatkeri, álem qaýymdastyǵy moiyndaǵan bedeldi tulǵa bolyp qala beretinin uǵyný kerek. Partiia jarǵysyna sáikes, tóraǵany sailaý jáne qyzmetinen bosatý Nur Otan partiiasy seziniń erekshe quzyretine kiredi. Oǵan deiin Nursultan Nazarbaev partiia tóraǵasy bolyp qala beredi» dep atap ótti.
Iia, mundai qadam eldegi qos bilik týraly konspirologiialyq qaýesetterge núkte qoiyp «Nur Otan» partiiasy qoǵamdy el Prezidenti mańyna toptastyra túsedi. Osy jyldar ishinde bileýshi partiianyń saiasi turaqtylyqqa negizdelgen, salmaqty oi eleginen ótkizilgen evoliýtsiialyq reformalary men elektoratpen júrgizilgen dáiekti jumystary nátijesinde Qazaqstannyń saiasi partiialyq júiesinde «Nur Otan» partiiasy qashanda árbir azamattyń qajettiligin eskere otyryp sailaýaldy baǵdarlamasyn júzege asyrý baǵytynda biraz jumystar atqaryp keledi. Qazaqstan osy jyldar ishinde:
?ornyqty saiasi institýttary men básekege qabiletti qýatty ekonomikasy bar kemeldengen demokratiialyq memleket retinde qalyptasty
?dúniejúzilik saýda-ekonomikalyq júiege tolyq enip, ózin senimdi seriktes retinde kórsetti
?Ortalyq Aziia aimaǵynyń ekonomikalyq kóshbasshysy retinde qalyptasty
?ishki saiasi, ultaralyq jáne konfessiiaaralyq turaqtylyqty qamtamsyz etti.
?halyqaralyq arenada kópvektorly jáne teńdestirilgen syrtqy saiasi baǵyty bar bedeldi jáne turaqty memleket retinde nyǵaidy.
Elbasy sóilegen sózinde partiianyń sailaýaldy baǵdarlamasynyń júzege asýyna oń baǵa berip, partiianyń uzaq merzimdi kóshbasshylyǵyn qamtamasyz etý úshin óz jumysynda 5 negizgi printsip:
✅Birinshiden, «Nur Otan» qashanda zaman kóshinen qalmaý kerek
✅Ekinshiden, «Nur Otan» qashanda halyq múddesin basshylyqqa alýy kerek
✅Úshinshiden, «Nur Otan» aiqyn maqsattar men olarǵa jetýdiń naqty joldaryn aitýy kerek
✅Tórtinshiden, biz árqashan uiymshyl, birtutas ujym bolyp maqsatymyzǵa jetýimiz kerek
✅Besinshiden, «Nur Otan» - biz qoǵamdy búkil halyq úshin irgeli bolyp tabylatyn partiia qundylyqtarynyń tóńiregine toptastyrýymyz kerek.
Jalpy bileýshi saiasi partiialardyń uzaq merzimdi basshylyǵymen memleketter tabysynyń júieliligi men sharttylyǵy sabaqtas. Qýatty memleket pen damyǵan azamattyq qoǵamdy qalyptastyrý úshin el 40-50 jyl turaqty alǵa jyljýy qajet. Kóptegen elderdegi bileýshi saiasi partiialardyń uzaq merzimdi kóshbasshylyǵy tabys pen áleýmettik-ekonomikalyq ósýdiń sharty boldy (Shvetsiia, Japoniia, Singapýr, Malaiziia, Qytai). Sondyqtan da «Nur Otan» 20 jyl boiyna bilik partiiasy retindegi tájiribesi jáne qazaqstandyqtardyń ál-aýqatyn arttyrý jáne táýelsizdigimizdi nyǵaitý jolyndaǵy reformalardy dáiekti túrde júzege asyrý qisyndy jáne obektivti túrde aiqyndaldy.
Ary qarai Elbasy jas urpaqqa táýelsizdiktiń 7 tuǵyry jóninde baǵdarlama usyndy:
?Birinshi. Táýelsizdik - kez-kelgen azamat úshin eń qasterli qundylyq.
?Ekinshi. Birlik pen kelisim - eldigimizdiń myzǵymas tuǵyry.
?Úshinshi. Jer - ata-baba murasy, halyq qazynasy.
?Tórtinshi. Otbasy men salt-dástúr - qoǵamnyń altyn dińgegi.
?Besinshi. Ulttyq mádeniet - halyqtyń rýhani tiregi.
?Altynshy. Bilim men eńbek - baqýatty ómirdiń kilti.
?Jetinshi. Pragmatizm - básekege qabiletti bolýdyń kepili
Atalǵan árbir tuǵyrda Elbasy 30 jyldyq belesti elmen birge ótkizgen iri sarabdal saiasatker retinde ótken men búgindi saralai otyra, elimizdi rýhani damytýdyń baǵytyn aiqyndap berdi dep oilaimyn. Iia, qazaq eli úshin jerden qasieti eshnárse joq. Jer halyq birliginiń simvoly. Árbir qazaq úshin ulan-ǵaiyr jerimizdi qorǵaý, bolashaq urpaqqa miras etý paryz. Elbasy «adamzat tarihynda, tipti qazirgi kezeńde de daýly territoriianyń soǵysqa, qantógiske alyp kelgenin, óskeleń urpaqty osyndai qaýipten saqtap qalý úshin baryn salǵanyn» atap kórsetedi, bizdiń 30 jyldyq táýelsiz memleket retindegi eń úlken jetistigimiz eshqandai qaishylyqsyz shekaramyzdy bekite alǵanymyz, endi bolashaqtaǵy basty maqsat osy jerdi kózdiń qarashyǵyndai qorǵai bilýimiz qajet.
Sonymen birge, eldiń bolashaǵy bilimdi jastar dep Elbasy óskeleń urpaqty tek óz bilimimiz ben kúshimizge senýimiz kerek ekenine shaqyrady. Rasynda, biz tek tereń bilim arqyly jaýapkershilik, álemge ashyqtyq, kópvektorlylyq, jahandyq úderisterge jáne integratsiialyq jobalarǵa qatysýǵa baǵdarlaný, adamdardyń ómirin ózgertetin, eldiń jáne álemniń bolashaǵyn aiqyndaityn jańa ideialardy, bilim men tehnologiialardy qabyldaý qabileti arqyly zamanaýi damyǵan qazaq qoǵamyn qalyptastyra alamyz.
Jalpy, «Eldiktiń jeti tuǵyry» tujyrymdamasy - Táýelsiz Qazaqstan Respýblikasynyń negizin qalaǵan, Otan jáne memlekettilik tarihynyń barlyq kezeńderin jetik biletin Elbasynyń saiasi tájiribesi men saiasi filosofiialyq paiymdaýynan týǵan Táýelsizdiktiń myzǵymas qundylyqtaryn kórsetetin irgeli qujat. Tujyrymdama - Táýelsizdigimizdi baiandy etip, el tutastyǵyn saqtap, otbasylyq qundylyqtardy jańǵyrtyp, ult mádenietin nasihattap, tereń bilim men adal eńbekke den qoiǵan jasampaz el bolý jolynda negiz bolary haq.
«Nur Otandy» Toqaev tizgindeidi
