Qarjy ministrliginiń Memlekettik kirister komiteti qazaqstandyqtarǵa mańyzdy eskertý jasady. Vedomstvo elde telefon arqyly jasalatyn alaiaqtyq jaǵdailary tirkelgenin málimdedi, dep habarlaidy dalanews.kz.
Málimetke sáikes, belgisiz adamdar ózderin Memlekettik kirister komitetiniń qyzmetkeri retinde tanystyryp, salyq tóleýshilerdi jańylystyrýǵa tyrysýda. Olar azamattarǵa qyzmet túrin shuǵyl rastaý, tirkeý derekterin jańartý nemese mobildi qosymshalar arqyly «mindetti verifikatsiiadan» ótý qajet ekenin aitady.
Alaiaqtar turǵyndardy bógde qosymshalardy júkteýge, kúmándi siltemelerge ótýge jáne avtorizatsiiadan ótýge kóndiredi. Kei jaǵdaida SMS-kodtardy, elektrondy tsifrlyq qoltańba (ETsQ) málimetterin, parolder men bank kartalarynyń derekterin engizýdi suraidy.
Memlekettik kirister komitetiniń málimetinshe, alaiaqtar e-Salyq mobildi qosymshasyn nemese basqa da baǵdarlamalardy júkteýdi talap etýi múmkin. Olar muny «ár eki jyl saiyn qyzmetti rastaý qajet» dep túsindirip, talap oryndalmasa, qyzmet toqtatylatynyn aityp qorqytady.
Alaida vedomstvo bul aqparattyń shyndyqqa sáikes kelmeitinin jáne alaiaqtyq shema ekenin málimdedi.
«Memlekettik kirister komiteti mundai qońyraýlar jasamaidy, telefon arqyly mobildi qosymshalardy ornatýdy, rastaý kodtaryn, bank kartalarynyń derekterin, ETsQ kiltterin, parolderdi jiberýdi nemese bógde siltemelerge ótýdi talap etpeidi», – delingen habarlamada.
Komitet qazaqstandyqtardy aqparatty tek resmi derekkózder arqyly tekserýge jáne beitanys adamdarǵa jeke málimetterin bermeýge shaqyrdy.
