Almatyda jalǵan shot-faktýralar jazyp berý arqyly memleketke 245 mln teńge shyǵyn keltirgen eki adam sottaldy. Sot olardyń birin qylmystyq shemany uiymdastyrǵany, ekinshisin oǵan kómekteskeni úshin kináli dep tanydy, dep habarlaidy dalanews.kz.
Prokýratýranyń málimetinshe, bir top adam taýarlardy is júzinde jetkizbei, jumystar men qyzmetterdi oryndamai-aq jalǵan shot-faktýralar jazyp berý shemasyn uiymdastyrǵan. Bul áreketter salyq tóleýden jaltarýǵa múmkindik bergen.
Atalǵan fakti boiynsha sotqa deiingi tergep-tekserý bastalyp, is protsestik prokýrordyń súiemeldeýimen júrgizilgen.
Sot Qazaqstan Respýblikasy Qylmystyq kodeksiniń 216-babynyń 3-bóligi boiynsha eki adamǵa qatysty aiyptaý úkimin shyǵardy. Úkimnen keiin sottalǵandar sot zalynda qamaýǵa alyndy.
Almaty qalasynyń prokýratýrasy ekonomikalyq qylmystardy anyqtaý jáne olardyń jolyn kesý, sondai-aq memleket múddesin qorǵaý baǵytyndaǵy jumysty jalǵastyryp jatqanyn málimdedi.
